Women Divelopmen Lidasip Prokram: Eksperiens blong Mrs. Toa

Evri yia, samples 30 woman blong ol difren Pasifik aelan kantri we oli stap stadi long Ostrelia anda long Ostrelian awod skolasip oli stap kam tugeta blong tekem pat long wan Women’s Divelopmen Lidasip Prokram.

Honorable Minista blong Intanasonal Divelopmen mo Pasifik i mit wetem ol pasifik aelan woman participants blong Women Divelopmen Lidasip Prokram long Canberra hemia long Februari, 2024

Lidasip woksop ia, I stap aim blong givhan blong divelopem skill set mo save blong ol pasifik aelan woman long saet blong lidasip, mekem koneksen wetem ol narafala pasifik aelan sistas blong ol, mo sem taem draevem mo influensem change long ol difren level blong society long pasifik.

Mrs. Lien Toa hemi wan student blong Vanuatu we I stap mekem masters prokram long Applied Linguistic long Monash Universiti, hemi long Victoria. Mo hemi wan long ol saksesful participant we I save tekem pat long Women’s Divelopmen Lidasip Prokram long yia ia, 2024, long Canberra.

7 dei prokram ia, I lukim ol participant oli tekem pat long ol aktiviti hemia insaet long klas rum mo aotsaet ekspiriens tu.

Mrs. Toa I talem se prokram ia hemi wan gudfala prokram tumas we oli putum tugeta blong helpem ol woman blong divelopem olgeta wan wan long saet blong kam wan gud lida insaet long wan hom, society mo long kantri.

Lidasip hemi no abaotem position be hemi exercise of an action blong hao nao yumi save bring out wan change.

Lien Toa

Mrs Lien Toa i pat long Women Divelopmen Lidasip Prokram long Canberra long Februari long yia ia 2024.

I gat fulap samting we oli stand out long prokram ia, be blong mi wan, samfala impoten samting we mi tekem wetem mi olsem ol takeaway blong 7 dei prokram ia, hemi hao blong yu save andastanem yu wan olsem wan lida. From lidasip fulap taem yumi tekem olsem se hemi position of authority. Be long trening ia oli helpem mifala blong save kam blong luk save mo andastanem olsem se, lidasip hemi no abaotem position, be hemi exercise of an action blong hao nao yumi save bring out wan change.

Nara samthing hemi lanwij mo lidasip, from plante taem yumi ol lida yumi no luk save hao lanwij we yumi usum long wokples I save gat impact. Lanwij sapos yumi usum long wan positive rod I save help blong bring abaotem change o sapos yumi usum long wan rapis rod then hemi save hinderem change.

Wan mo samting hemi long saet blong mood management. Hemia tu mi faenem hemi helpful from majoriti blong mifala we I pat long prokram ia hemi ol woman. Fulap taem mifala ol woman mifala moody, so trening ia hemi haelatem samfala practical mo fundamental things we I save helpem mifala blong save considerem mo majem ol mood blong mifala long wan wok ples.

Narawan nao hemi long saet blong rispektem spes blong ol male counterpat long wan wokples. Mi faenem hemi tu hemi very interesting long mi, from blong bring aobaotem wan change, olsem long trening we mifala go thru long hem ia, hemi no just abaotem ol woman, hemi tekem both man mo woman blong oli wok tugeta blong yumi save draevem wan change. Hemi abaot finding the right balance blong ol man mo woman blong oli save wok hand in hand mo wok gud tugeta.

Mrs. Toa hemi kontinu blong talem tu se eni woman long Bislama komuniti long Ostrelia we I stap stadi anda long wan Ostrelian skolasip prokram mo hemi intres blong pat tu long semak prokram olsem hemia, I gat samfala rikwaemen nomo we oli mas mitim blong save pat long prokram ia. Ol rikwaemen olsem:

• Yu wan woman
• Yu stadi long fes semesta long wan kalenda yia long wan Ostrelian Universiti/tertiary Institusen
• Yu man redi blong statem prokram ia long Ostrelia long Februari
• Yu mas redi blong pat long wan 15 dei face-to-face prokram long februari mo long septemba
• Mas gat intanet
• Yu wan citizen blong wan long ol Pasifik aelan kantri

Yu save karem mo infomesen thru long websaet ia: wliprogram.org