સેટલમેન્ટ ગાઇડ: પ્રિસ્ક્રિપ્શન દવાઓના જોખમો

વ્યક્તિ બીમાર થાય કે અસ્વસ્થ અનુભવે ત્યારે ડોક્ટર વડે જરૂરી દવાઓ પ્રિસ્ક્રાઈબ કરવામાં આવે છે. જો આ દવાઓ યોગ્ય રીતે લેવામાં ન આવે તો તે સ્વાસ્થ્ય માટે જોખમી સાબિત થઇ શકે છે.

Source: Getty

સામાન્ય રીતે જયારે દવાઓના ઓવરડોઝ અંગે વાત કે વિચાર આવે ત્યારે વ્યક્તિ ગેરકાનૂની ડ્રગ્સના ઓવરડોઝ વિષે જ કલ્પના કરે છે. પણ નવાઈની વાત એ છે કે ઓસ્ટ્રેલિયામાં મોટાભાગના ઓવરડોઝના બનાવો પ્રિસ્ક્રાઈબ કરેલ - લખી આપેલ દવાઓના અયોગ્ય ઉપયોગના લીધે બને છે.

સ્ક્રીપટવાઇસ નામક સેવાકીય સંસ્થાના મુખ્ય કાર્યકારી અધિકારી બી મોહંમદનું કહેવું છે કે ઘણી દવાઓ જે દર્દીઓ માટે ખુબ જરૂરી છે, તેવી દવાના નશાની લત લાગી શકે છે.

"આવું આકસ્મિક રીતે બની શકે છે." તેઓ આગળ ઉમેરે છે કે," અમુક કિસ્સાઓમાં દર્દી માઇનોર સર્જરી માટે હોસ્પિટલમાં ભરતી થયો હોય અથવા ડેન્ટિસ્ટ પાસે ગયા હોય કે લાંબા સમયથી પીઠના દુખાવા થી પીડિત હોય અને આવા દર્દીઓને જે દવા લખી આપવામાં આવે છે તે દવા કમનસીબે સૂચના મુજબ લેવામાં આવતી નથી."

આ પ્રકારનું જોખમ 30 થી 60 વર્ષના આયુવર્ગમાં વધુ છે.

A file image of a pharmacist holding prescription medication.

Source: AAP

આ અંગે શું કરી શકાય?

જો વ્યક્તિને સ્ટ્રોંગ પેઈનકિલર દવા જેવી કે મોર્ફિન અથવા ઓક્સિકોડોન પ્રિસ્ક્રાઈબ કરવામાં આવે તો વ્યક્તિએ ડોક્ટર અને ફાર્માસીસ્ટ પાસે ચોક્કસ કરવું જોઈએ કે તેઓ દવા કેવી રીતે લેવી તે સૂચના ને વ્યવસ્થિત સમજ્યા છે.

જો વ્યક્તિએ જાણવું રહ્યું કે આ દવાઓ અન્ય દવાઓ સાથે શું અસર કરી શકે છે કેમકે આ દવાઓ કેટલીક અન્ય દવાઓ અથવા આલ્કોહોલ સાથે લેવામાં આવે તો ઘટક સાબિત થઇ શકે છે.

આ બાબતે જો કોઈ પ્રશ્ન કે શંકા કે મૂંઝવણ હોય તો - 1300 MEDICINE પર ઓસ્ટ્રેલિયન મેડિસિન્સ લાઈનનો સમ્પર્ક સાધી શકાય છે.

(AAP) Source: AAP

સરકાર એડિક્શન સામે લડી રહી છે.

ઓસ્ટ્રેલિયામાં પ્રિસ્ક્રાઈબ કરેલ દવાની આદત - લતના વધતા પ્રમાણને ધ્યાનમાં રાખી ઓસ્ટ્રેલિયન સરકાર આ અંગે પગલાં લઇ રહી છે.

સરકાર વડે ડોકટરો અને ફાર્માસીસ્ટ માટે નવી પ્રિસ્ક્રિપ્શન ડ્રગ મોનીટરીંગ સિસ્ટમની શરૂઆત કરવામાં આવી છે. આનો અર્થ એ થયો કે દરેક વ્યક્તિને આપાયેલ પ્રિસ્ક્રિપ્શનનો રિકોર્ડ એકજ સ્થળે રાખવામાં આવ્યો હોય જેથી સ્ટ્રોંગ દવાઓ ખરીદનારની ઓળખ થઇ શકે.

આ ઉપરાંત આવતા વર્ષથી ન્યુરોફીન પલ્સ જેવી દવાઓ ઓન કાઉન્ટર ઉપલબ્ધ નહિ હોય.