Thaum yuav xaus xyoo 2023 ces tsoom fwv Albanese tau qhia txog nws tej tswv yim coj los kho lub teb chaws no cov migration system uas yeej tos los ntev lawm.
Ces thiaj li tau muaj qee cov kev pauv hloov tseem ceeb rau xyoo tshiab (2024) no.
, ces tej tswv yim no thiaj muaj ib cov kev kub siab yuav los xyuas tej neeg muaj txuj ci paub ua hauj lwm tuaj nyob ib ntus cov kev tsiv teb tsaws chaws thiab tub kawm pej kum haiv cov kev kawm.
Tsoom fwv yeej npaj yuav los ua ntau yam li hais no xyoo 2024 no — li yuav nrog xyuas kom tej tub kawm thiab thiab cov neeg thov cov temporary graduate visas, thiab tej visa tshiab rau tej neeg muaj txuj ci paub ua hauj lwm yuav tsum paub ntawv Askiv zoo tshaj qub ntxiv.
Ces thiaj li yuav coj lub tswv yim uas tau xub qhia ua ntej coj los siv xyoo no — piv txwv li cov visa tshiab hu ua Pacific migrants.
Tsoom fwv yeej tau qhia txog ntau yam uas tseem yuav kho rau yav pem suab thiab li los kho cov permanent skilled migration, regional migration thiab Working Holiday Maker program uas yuav ragu coj los sab laj thawm xyoo 2024.
Nod yog tej uas peb paub lawm.
Tsoom fwv tau qhia txog nws tej tswv yim kho Australia cov migration system ''uas siv tsis tshua tau zoo raws tej hom phiaj xav siv'' tom qab tau muaj cov kev txheeb tseem ceeb txog tej system no. Source: Getty / Mark Evans
Tsoom fwv xav kom nws tej tswv yim tswj cov kev tsiv teb tsaws chaw no ua tau dab tsi?
Net overseas migration (NOM) ces yog tej neeg txawv teb chaws uas tau tuaj rau Australia thiab tau nyob ntawm lub teb chaws no yam tsawg li 1 lub xyoos uas raug rho tawm ntawm tej uas tau rov qab mus tsev lawm. NOM kuj suav Australia tej pej xeem uas tau rov qab los los yog tawm ntawm lub teb chaws no thiab.
Ces Australia thiaj muaj tej neeg no txog li 510,000 tus xyoo 2022-23 raws li tsoom fwv tej xov xwm tshiab uas tau kwv yees thiab raug teev rau wns tej nyiaj puag xyoo nrab xyoos.
Thiab tos muaj tej neeg no coob los vim rov qab muaj tej tub kawm pej kum haiv thiab tej neeg ntoj ncig rov qab tuaj tom qab uas tau tshem cov kev txwv ntau yam uas siv rau lub caij muaj kab mob COVID-19 sib kis coob heev ntawd.
Tsoom fwv yeej tau qhia tias tej neeg tuaj rau Australia thiab rov qab ntawd tsis yog lub hom phiaj ntawm tsab cai immigration policy no, tab sis lub tswv yim tshiab no yeej muaj hom phiaj yuav los txo kom tej neeg 510,000 tus no tsuas muaj txog li 375,000 tus neeg rau xyoo 2023-2024 li lthaum ze rau lub caij ua ntej yuav muaj kab mob sib kis coob, txuas ntxiv ntawd ces tsuas xav kom muaj tej neeg no txog li 250,000 tus xyoo 2024-25 lawm xwb.
Clare O'Neil uas yog tus nom tswj lub tuam chav Home Affairs tau qhia rau thaum ntxov lub 12 hlis ntuj tsaib no tias "Peb lub hom phiaj ces yog los tswj kom tsuas muaj cov kev tsiv teb tsaws chaw no hauj sij xwb.''
Home Affairs Minister Clare O’Neil says the government's migration strategy is "a bold plan to get migration working again for all Australians". Source: AAP / Lukas Coch
Nws kuj tau hais tias tej teeb meem me ntau yam uas ua rau muaj teeb meem loj uas yuav tau daws ntawd ces yog txo ''tej neeg uas tuaj nyob ruaj ib ntus'' - li tej neeg uas pheej thov cov visa nyob ib ntus ntawm teb chaws Australia no ntawm ib co visa rau lwm cov visa siv uas tseem nyob ntawm lub teb chaws no.
Nws kuj tau hais tias "Yog tham txog kis dav dav hlawm ces lub tswv yim no yeej xav xyuas kom muaj tej neeg uas thov tau cov visa nyob ib ntus uas pheej nyob ntev no kom tsawg thiab pab kom muaj ntau txoj xub ke rau tej neeg thov nyob tau ruaj, uas kuv xav tias yuav yog tej yam zoo yuav pab kom muaj kev koom npoj.''
"Kuv cia siab tias thaum kawg lub tswv yim no yuav pab kom nrhiav tau tej neeg tsiv teb tsaws chaw uas muaj txuj cai thiab paub ua hauj lwm zoo dua, thiab pab kom muaj tej neeg tsiv teb tsaws chaw tuaj nyob ruaj ntau tuaj ntxiv tshaj tej uas tuaj nyob ib ntus, rau lub caij uas nom tswv los tawm tsam tej kev pheej yuam siv tej neeg tsiv teb tsaws chaw yam tsis raug kev raug cai, uas tau ras los ua ib co teeb meem ntau zujzus ntxiv, hais tsi ntsees rau lub caij tseem muaj kab mob COVID ntawd.''
Ces tej koom haum unions thiab tej koom haum lagluam thiab txhawb nqa cov kev hloov no tias yog tej yam tseem ceeb yuav pab kho kom tej tej zwj ceeb ua hauj lwm zoo dua thiab yuav pab tej tej lagluam.
READ MORE
Australian visa changes for 2023-24
Tej visa tshiab rau tej neeg uas hauj lwm muaj txuj ci uas Australia xav tau
Perkins tau hais tias cov kev pauv hloov loj tshaj plaws ces yog tej tswv lagluam yog cov sponsor tej neeg ua hauj lwm kom tau visa siv.
Tsoom fwv thiaj tab tom tsim dua ib co visa tshiab 4 xyoos rau tej neeg muaj txuj ci paub ua hauj lwm tuaj ua hauj lwm ib ntus uas yuav xyuas kom tej neeg ua hauj lwm muaj cib fim hloov ua tau hauj lwm nrog lwm tus tswv lagluam thiab muaj tej xub ke uas thov tau nyob ruaj.
Thiab yog thaum siv tej visa "Skills in Demand" no tiag uas coj los hloov cov Temporary Skill Shortage visa (Subclass 482) uas siv tam sim no lawm, ces yuav tso cai rau tej neeg uas thov tau cov visa no siv muaj cai nyob ntawm Australia no thaum lawv ua hauj lwm full-time rau tus tswv lagluam uas sponsor tos kom lawv tau tuaj ua hauj lwm ntawd.
Thiab raws li lub caij nyoog uas tsoom fwv tej teev tseg ntawd ces yuav kub siab los ua tej hauj lwm tshiab no thiab tej hauj lwm qub no kom tshwm sim rau yav lig xyoo 2024 no.
Ces yuav muab cov visa no faib ua 3 yam, thawj yam ces yog cov specialist skills uas yuav cia rau tej neeg tsiv teb tsaws chaw uas paub ua hauj lwm thiab muaj txuj ci siab siv.
Ces thiaj yuav muaj hom visa no rau tej neeg uas ua hauj lwm xub khwv nyiaj tau yam tsawg txog li $135,000 rau ib yam hauj lwm twg, tab sis tsis suav cov trades workers, tej neeg tswj tej tshuab tooj tshuab hlau, tej neeg tsav tsheb thiab tej neeg ua hauj lwm siv dag zog.
Tsis tas li ntawd los tsoom fwv yuav kub siab los xyuas kom tsuas muaj peev xwm thov tau tej ntaub ntawv no rau lub sij hawm 7 hnub xwb.
Perkins thiaj hais tias yuav ua kom tej tswv lagluam muaj peev xwm sponsor tos tau tej neeg ua hauj lwm yooj yim ntxiv thiab kom muaj ntau txoj xub ke rau tej neeg no thov tau nyob ruaj.
Nws tau hais tias cov kev siv sij hawm los txheeb tej ntaub ntawv thov kom tau visa sai no ''tej zaum yuav ua rau tej neeg paub ua hauj lwm uas muaj txuj ci siab xav tuaj thiab.''
Nws thiaj tau hais tias "Yog piv rau lwm cheeb tsam hauv ntiaj teb no lawm, ces peb tseem plam tej neeg pauv ua hauj lwm uas muaj txuj ci siab no rau lwm lub teb chaws vim peb pheej siv tej program uas sib chab sib chaws thiab siv sij hawm ntev heev ces peb tej tswv lagluam mam li tos tau tej neeg tuaj ua hauj lwm.''
Hom visa rau cov neeg paub ua hauj lwm uas muaj txuj ci hom ob ces yuav muaj visa rau tej hauj lwm uas teev rau cov Core Skills Occupation List tshiab raws li tej hauj lwm thiab tej txuj ci uas Australia tseem muaj neeg tsis txaus los ua.
Txawm li cas los tsoom fwv kuj tau nce tej nyiaj hauj lwm ntawm $53,900 ua $70,000 rau tej neeg uas tuaj raws cov Temporary Skilled Migration Income Threshold (TSMIT) no thaum ntxov xyoo 2023 lawm thiab.
Tsis tas li ntawd los tsoom fwv kuj yuav hloov tej index no ib xyoos twg raws li cov wage price index thiab.
Hos txoj xub ke tshiab peb ces tseem yuav los sab laj txog tej cai yuav tswj tej neeg uas paub ua hauj lwm thiab muaj txuj ci tseem ceeb tas sis khwv tau nyiaj tsawg zog uas yuav piv rau nrab xyoo 2024 no.
Yuav xyuas kom xeem ntawv Askiv kom nyuaj tshaj qub ntxiv - thiab yuav muaj lwm cov kev hloov tshiab rau cov student visas
Tej tub kawm pej kum haiv thiab tej neeg uas kawm tiav qib siab (Bachelor degree) - raws li tej tswj yim tswj cov kev tsiv teb tsaws chaw hais ces yog Australia ''cov neeg tsiv teb tshaws chaw tuaj nyob ib ntus'' uas coob tshaj plaws - thiab yog ib co hauj lwm tseem ceeb uas tsoom fwv xav los kho.
Raws li Perkins tau hais ces yog tham raws kis dav dav lawm, ces tsoom fwv yeej tau ''nrog xyuas kom tej tub kawm uas tuaj kawm ntawm (Australia) no kom muaj txuj ci theem siab ntxiv tuaj. Vim yog tias ib tug twg pom tias tsis muaj txoj xub ke rau lawv tau nyob ruaj ces yuav ua rau lawv qaug zog tsis xav tuaj kawm ntawm teb chaws Australia no thiab.''
Cov kev xav kom tej neeg txawv teb chaws uas thov visa siv paub lus Askiv kom tsoo tshaj qub ntxiv kuj yog ib yam kev pauv hloov ntawm ntau yam thiab.
Thaum ntxov xyoo no ces tej tub kawm uas xav thov cov studen visa tuaj kawm ntawv yuav tsum xeem kom tau cov zauv uas kawm tau ntawv Askiv zoo raws li cov International English Language Testing System (IELTS) kom tau zauv txog 6.0 (uas tau nces ntawm 5.5) or los yog yuav tsum tau xeem raws li cov kev xeem Pearson Test of English (PTE) uas tej tub kawm pej kum haiv nyiam siv kom xeem tau tuaj kawm ntawm teb chaws Australia.
Hos tej tub kawm uas kawm tiav bachelor degree lawm uas xav tuaj kawm ntxiv yuav tsum xeem kom tau 6.5 lawm.
Tsoom fwv thiaj hais tias tej no yuav pab kom tej tub kawm kawm tau zoo thiab kom thiaj tsis txhob raug tej chaw hauj lwm yuam siv yam tsis raug kev raug cai.
Cov kev xeem 'seb puas yog tus kawm uas xav tuaj kawm tiag'
Australia cov tswv yim tshiab uas tswj cov kev tsiv teb tsaws chaw no kuj yuav tsim cov kev tshau tej tub kawm hu ua ''Genuine Student Test'' coj los siv uas txhua tus tub kawm pej kum haiv yuav tau xeem coj los siv hloov cov Genuine Temporary Entrant uas muaj siv tam sim no.
Ces tsoom fwv thiaj qhia tias lub tswv yim no ''yuav txhawb nqa tej tub kawm uas xav tuaj kawm ntawv tiag kom tuaj kawm thiab yuav ua rau tej tub kawm uas tsis tuaj kawm ntawv tiag uas muaj lub hom phiaj tsuas xav tuaj ua hauj lwm xwb tsis yog tuaj kawm ntawv tiag kom tsis txhob tuaj lawm,'' thiab yuav pib siv lub tswv yim no tau thaum ntxov xyoo 2024 no.
Tsis tas li ntawd los tsoom fwv kuj tseem tau los nrog xyuas lub tuam chav Home Affairs ceg hauj lwm uas txheeb xyuas kom siv tau tej tub kawm cov visa (student visa) no kom siv tau raws li qhov tsim nyog rau thaum lig tsaib no thiab yuav los siv ntau yam tswv yim los ''tshem tej chaw qhia ntawv uas tsis ua tib zoo xyuas kom twj tau tej tub kawm los yog cov kev kawm raws li qhov tsim nyog no kom tsis txhob muaj ntxiv'' rau cov system no xyoo 2024 lawm.
Yuav xub kub siab los txheeb tej tub kawm tej visas
Tsoom fwv kuj tau qhia txog tej txheej txheem tshiab uas nws yuav xub kub siab los txheeb tej tub kawm thiab tej neeg tuaj tu thiab saib xyuas tej tub kawm ua ntej raws li tej hauj lwm uas nws yuav los ua tib zoo txheeb 'tej chaw qhia ntawv uas tsis kub siab txog tej hauj lwm no''.
Tej no ces yuav ua raws li , raws li cov rated system uas txheeb tej chaw qhia ntawv, thiab yuav coj los siv tau tag nrho txhua tus uas xa ntawv thov visa rau hnub tim los yog tom qab hnub tim 15 lub 12 hlis ntuj.
Yuav muaj ntau cov kev pauv hloov rau tej temporary graduate visas
Txij nrab xyoo 2024 mus ces tsoom fwv yuav los kho cov temporary graduate visas ''kom siv tau zoo tshaj qub thiab siv tau yooj yim''. Tej kev pauv hloov no muaj txuas ntxiv li no:
Yuav teev tias pub tej neeg thov cov visa no muaj hnoob nyoog li cas
Raws li cov kev hloov tshiab no ces tej neeg xav thov tej visa no siv yuav tsum muaj hnoob nyoog qes dua 35 xyoos lawm xwb (uas tau txo ntawm cov hnoob nyoog 50 xyoo uas siv tam sim no lawm).
Pub siv daim visa nyob tau luv zog lawm
Lub caij uas pub siv ib daig initial temporary graduate visa yuav raug txo los ua 2 xyoos rau tej neeg uas kawm bachelor los yog master degrees uas tsuas ua ib co hauj lwm kom kawm tiav lawm xwb, thiab tsuas pub sij hawm 3 xyoos rau cov kawm master uas yuav tau ua ib co kev teeb txheeb lawm xwb.
Tej tub kawm uas kawm nyob rau tej zos tuaj ntug nroog/zos yaj sab yuav muaj cai thov tau daim visa ob siv uas tau nyob li ntawm ib xyoos txog rau ob xyoos tsuas nyob rau ntawm qhov chaw lawv kawm.
Perkins thiaj tau tshab txhais tias: ''Tos ho ua li no los twb vim yog xav txo kom muaj cov neeg siv cov long-term temporary visa tsawg.''
Tsoom fwv yeej tau xub qhia dab tsi ua ntej lawm?
Yuav tsis siv tej visas uas pub rau tej neeg siv rau lub caij muaj kab mob COVID ntxiv lawm
Lub 9 hli ntuj xyoo 2023 ces tsoom fwv yeej tau qhia tias, uas yog ib co visa uas tau tsim siv xyoo 2020 kom tej neeg uas thov tau tej visa nyob ib ntus thiaj muaj peev xwm nyob tau ntawm Australia rau lub caij tseem muaj kab mob COVID-19 kis thoob ntuj thaum uas tau kaw pej kum haiv tej ciam teb.
Ces txog rau tim 2 lub 9 hli ntuj tej neeg xav thov tej visa no tshiab siv thiaj yuav tsis muaj cai thov siv ntxiv lawm thiab yuav tsis siv cov visa no txij lub 2 hlis ntuj hlo li lawm.
Ces thiaj yauv tsis siv tej Pendemic Event Visa thiab , thiaj yuav pab kom muaj tej neeg tuaj rau Australia no tib yam li lub caij uas ze rau thaum yuav muaj kab mob kis thoob ntuj lawm xwb.
Visa tshiab rau tej neeg tsiv teb tsaws chaw ntawm cheeb tsam Pacific
Xyoo no ces yuav tsim dua ib co visa tshiab rau tej neeg ntawm ntau lub teb chaws ntawm cheeb tsam Pacific thiab teb chaws Timor Leste siv.
Ces thiaj yuav ua rau muaj tej neeg ntawm tej teb chaws li hais no txog li ntawm 3,000 tus tau cov Pacific Engagement Visa (PEV) siv kom lawv tau tuaj rau teb chaws Australia no ib xyoos twg tam li cov neeg tuaj nyob tau ruaj.
Thiab tsev kis xeev siab (Senate) yeej tau pom zoo tsim tau tsab cai no rau lub 10 ntuj uas yuav rho npe xaiv seb tau cov neeg thov visa twg ua cov tau tuaj.
Yog tias lawv raug rho npe lawm, ces nom tswv tseem yuav txheeb qee yam ntxiv, suav cov kev nrhiav tau ib txoj hauj lwm ua ntawm Australia nrog.
Raws li ib co ncauj lub uas tau hais rau tsaib no lub 10 hli ntuj ntawd ces Andrew Giles uas yog tus nom tswj dej num tsiv teb tsaws chaw thiab Pat Conroy uas yog tus nom tswj tej dej num txhim kho pej kum haiv thiab cheeb tsam Pacific yeej tau hais tias ces yuav pib ua cov hauj lwm no xyoo 2024 thaum uas tau tsim tau tej cai tiav thiab tau txais kev pom zoo los lis tej hauj lwm no.
Xub kub siab los txheeb tej neeg thov cov Protection Visas ua ntej
Nyob rau lub 10 ntuj ces tsoom fwv kuj tau qhia tias yuav tshwm nyiaj $160 million coj los kho kom siv tau cov refugee visa system kom zoo tshaj qub ntxiv tom qab
Ces thiaj yuav siv cov nyiaj no $54 million los xub txheeb tej neeg uas thov cov Protection Visas siv ''kom thiaj tswj tau lub tswv yim uas tej neeg pheej txhob txwm siv cov system no tsis raws li tej hom phiaj tsim nyog siv.''
Perkins tau hais tias yuav pom muaj tej no ntau tuaj ntxiv rau xyoo 2024.
Nws tau hais tias "Yuav ras los ua tej yam tseem ceeb tshaj qub ntxiv li peb tab tom pom tias tej neeg thov tej ntaub ntawv no raug txheeb sai thiab yuav teb kom sai tias puas pub los tsis pub thov tej visas no siv.''
Yuav ua tej hauj lwm dab tsi los tswj cov kev tsiv teb tsaws chaw no rau xyoo 2024?
Australia tej tswv yim kho cov migration system no yeej tau teev tias yuav tau kho ntau yam rau yav pem suab uas yuav tau los sab laj rau xyoo 2024.
Uas muaj cov kev los xyuas tias yuav tswj cov kev tsiv teb tsaws chaw ntawm tej neeg muaj txuj ci ua hauj lwm tseem ceeb tab sis khwv tau nyiaj hauj lwm tsawg li cas thiab ho yuav kho tej neeg tsiv teb tsaws chaw uas muaj txuj ci thiab paub ua hauj lwm uas yuav tuaj nyob ruaj li cas.
Tsoom fwv yeej npaj txheeb cov kev tsiv teb tsaws chaw mus nyob rau tej zos cheeb tsam tuaj ntug nroog/toj siab thiab cov Working Holiday Maker program kom thiaj pab tau tej chaw no thiab nrhiav tau neeg ua hauj lwm siv. Ces thiaj yuav muaj ib tsab ntawv cej luam uas los txheeb txog ob sab seem zoo thiab tsis zoo txog tej hauj lwm no uas yuav coj los qhia thaum ntxov lub xyoo no thiab.
Mloog tau hnub zwj Teeb (Thursday) 6 pm, hnub zwj Hnub (Sunday) 11 am, los yog koom tau ntxiv ntawm , , thiab . Downloadthiab caum
