News in Brief

'Kev hlub yeej kev ntaus nqe yuam kev' ntawm teb chaws Thaib lub caij tsim tau tsab cai marriage equality siv

Tom qab tau ntev tshaj li 20 xyoo uas Thaib tej neeg LGBTIQ+ tau los tawm tsav pov puag lawv txoj cai, ces kuj muaj peev xwm tsaim tau tsab cai marriage equality ntawm teb chaws Thaib lawm.

A group of people celebrating, many of them with rainbow-coloured flags.

Members of Thailand's LGBTIQ+ community gathered to celebrate the bill's passing. Source: AAP / Peerapon Boonyakiat/SOPA Images/Sipa USA

Thaib lub tsev kis xeev xiab tau pom zoo ua zaum kawg rau tsab cai marriage equlity law ces thiaj yuav ua rau Thaib yog thawj lub teb chaws ntawm cheeb tsam Southeast Asia uas lees paub tej txij nkawm ntawm cov neeg same-sex lawm.

Xov xwm txog tej xwm txheej no: Tau txais kev pom zoo rau tsab cai no txog 130 lub suab ntawm tag nrho 152 lub suab nom uas yog tau txais kev txhawb nqa feem coob ntawm Thaib tej nom ntawm tsev tsoom fwv.

Tej kev pom zoo tsim tsab cai no siv thiaj ua rau tej tub koom siab ntawm tej neeg zejzog LGBTIQ+ tau mus sib sau ua ke ntawm lub tsev tsoom fwv. Thiab tej neeg txhawb nqa thiaj hais tias tej xwm txheej no ''yog ib kauj ruam tseem ceeb tshaj plaws rau yav tom ntej.''

Tej neeg tawm tsam pov puag tej neeg LGBTIQ+ thiab tej nom tswv uas sawv cev rau tej neeg no yeej tau txhawb nqa los ntev kom tsim tsab cai no kom tej neeg same-sex thiaj muaj peev xwm sib yuav ua txij nkawm ntawm teb chaws Thaib los tau yuav laug txog 20 xyoo.

Ces tsab cai tshiab no thiaj yuav hloov lo lus ''tej txiv'' thiab ''tej poj niam'' los yog ''poj niam'' thiab ''txiv neej'' mus siv lo lus uas muaj ntau yam neeg koom lawm.

So lus tseem ceeb uas tau hais txog tej xwm txheej no: "Hnub no ces kev hlub muaj yeej cov kev ntaus nqe tsis zoo rau lwm tus lawm ... tom qab peb tau tawm tsam los tau ntev tshaj 20 xyoo'' raws li Plaifah Kyoka Shodladd uas yog ib tug nom tub koom siab ntawm tsev tsoom fwv pawg rooj saib xyuas txog tej hauj lwm same-sex marriage hais.

A person standing in front of a large building, smiling and holding up a rainbow flag.

Tej neeg tawm tsam pov puag tej neeg LGBTIQ+ txoj cai ntawm teb chaws Thaib tau tawm tsam kom tau txais vaj huam sib luag tshaj qub ntxiv los tau ntau caum xyoo. Source: AAP / Rungroj Yongrit/EPA

Peb paub dab tsi ntxiv: Txawm tias teb chaws Thaib yeej yog ib lub teb chaws sawv daws paub zo tias muaj tej neeg zejzog LGBTIQ+ tej kab lis kev cai xaus npo, los tej neeg tawm tsam pov puag lawv txoj cai yeej yuav tau nyiaj ntxeem nrog tej kev xav qub los tau ntau caumx yoo.

Thiab yeej tau muaj tej neeg coob heev tau tib tej cai no tias tsis lees paub tej neeg transgender thiab non-binary uas tseem tsis tau txais kev tso cai hloov nom tswv tej ntaub ntawv qhia txog lawv tej cim thawj.

Yuav ua li cas ntxiv tam sim no: Vim tau txais kev txhawb nqa los ntawm yuav laug tag nrho tej nom ntawm tsev kis xeev siab, ces thiaj ua rau tsuas tos huab tais kos xyeem mem tes pom zoo los siv ua cai raug kev raug cai lawm xwb.

Ces thiaj yuav coj tsab cai no mus rau Thaib tus huab tais Maha Vijiralongkorn kos xyeem mem tes pom zoo, uas yeej cia siab tias nws yuav pom zoo. Thiab tom qab 120 hnub ces yuav coj mus nthuav tawm ntawm Thaib tej nom tswv phau ntawv xov xwm royal gazette lawm ces yuav ras los ua cai siv yam raug kev raug cai lawm.