Raws li tsoom fwv mus txheeb ces tej supermarkets yuav raug nplua nyiaj ntau million dollars

Tsoom fwv tau qhia meej tias nws yuav ua raws li tag nrho tej lus taw qhia ntawm pawg neeg tau mus txheeb xyuas cov hauj lwm Food and Grocery Code of Conduct.

The government said it will crack down on anti-competitive behaviour in the supermarket sector. Source: AAP / Joel Carrett

Ntsiab lus tseem ceeb:

• The Food and Grocery Code of Conduct ces yog ib co cai uas muaj cov kev pom zoo ntawm tej tuam txhab xa khoom thiab tej khw supermarkets.
• Raws li tau muaj ib cov kev nug txog tej hauj lwm nod tsis ntev los no ces txheeb tau tias tej neeg xa khoom rau tej supermarkets ntshai heev tsis xav qhia txog lawv tej kev txhawj xeeb txog cov kev tsis ua raws tej cai no vim ntshai tsam lawv raug teeb meem.
• Ib nqe lus tseem ceeb ntawm ntau cov kev taw qhia ces yog yuav tsum yuam kom tag nrho tej khw retails feem coob yuav tsum tau ua raws.

Raws li tau muaj ib cov kev mus txheeb txog tej cwj pwm ntwm tej khw muag khoom tseem ceeb, uas tau raug txheeb txog lawv cov kev nce nqe muag khoom kom khwv tau nyiaj tsam rau lub caij muaj tej nuj nqes siv ua lub neej kim tuaj ntxiv rau tej customers raug coj los sau ua ib co ntau ntawv thawj zaug qhia txog tej hauj lwm no.

Cov kev mus txheeb txog tej cai Food and Grocery Code of Conduct thiaj txheeb tau tias muaj teeb meem rau txoj kev sib raug zoo ntawm tej tuam txhab supermarkets thiab tej neeg xa tej khoom no rau lawv muag.

Thiab txheeb tau tias tsis muaj fwj chim sib luag ntawm ob tog, thiab ntau tus neeg xa khoom rau tej khw no muag li tej neeg ua liaj ua teb cog qoob loo los kuj ntshai tsam yog lawv qhia txog lawv txoj kev txhawj xeeb rau lwm tus paub txog tej kev tsis ua raws tej cai no lawm ces yuav ua rau lawv raug teeb meem.

Tam sim no ces tsuas yog tej khw lagluam no yeem thaj ua raws tej cai nod los txog ntua tam sim no xwb, thiab feem ntau ces yeej tseem pom tias ua rau txhua tog muaj feem cuam tshuam txog tej lagluam muag khoom noj no tseem tsis tau ua raws li cov kev sib khom phom zoo thiab tseem yuav tau kho kom lawv coj tej cwj pwm kom zoo tshaj qub ntxiv.

Tom qab tau txheeb tau tej xwm txheej no lawm, ces Craig Emerson uas yog ib tug nom ntawm pab nom Labor dhau los thiaj li tau taw qhia kom yuav tsum yuam kom tej tuam txhab lagluam no ua raws li tej cai Food and Grocery Code of Conduct.

Tsis tas li ntawd los nws kuj tau nqua hu kom yuav tsum nplua nyiaj kom ntau txog li ntawm $10 million — los sis yog nplua txog li 10 feem pua ntawm tej nyiaj uas tej khw supermarket khwv tau yog tias tseem ua txhaum tej cai no.

Tsis tas li ntawd los yog tias tseem ua txhaum tej cai no loj tshaj lawm thiab ces tej zaum kuj yuav tau rau txim ntxiv rau.

Ces thiaj yuav coj tej cai no coj los siv rau ib cov khw muag khoom twg uas ib lub xyoos twg khwv tau nyiaj tshaj $5 billion li tej khw supermarket loj: Coles, Woolworths, Aldi thiab IGA, tab sis kuj tseem yuav suav lawm yam khw muag khoom loj nrog thiab yog tias lawv muag tej khoom noj nrog thiab.

Supermarkets raug liam tias tau nyiaj tsam ntawm tej customers thiab tej neeg xa khoom rau lawv muag

Tsoom fwv teb chaws tau qhia meej tias nws yuav lees txhua yam kev taw qhia los ntawm pawg neeg mus txheeb txog tej hauj lwm no. Txawm li cas los tsab cai Competition and Consumer Act yeej tseem tsis tau teev tias lub caij twg thiaj mam los ua raws li tej lus taw qhia tshiab kom ua no.

Dua ntawm cov kev yuav tau yuam kom tej kiab khw siv tej code no lawm, ces tsoom fwv los kuj tau cog lus tias yuav npaj kom tau ib co txheej txheem rau tej neeg xa khoom rau tej kiab khw muag khoom muaj peev xwm qhia tau tej teeb meem no yam tsis tas qhia tias lawv yog leej twg thiab yuav los kho kom tsim tau tej tswv yim los daws tau cov kev tsis sib haum xeeb uas muaj siv tam sim no kom zoo tshaj qub ntxiv.

Jim Chalmers uas yog tus nom tswv nyiaj txiaj rau tsoom fwv tau hais tias "Tej hauj lwm peb ua yog ua tib zoo xyuas kom tej khw supermarkets muaj peev xwm sib tw lagluam npaum li qhov lawv muaj peev xwm ua tau kom tej neeg Australia thiaj yuav tau tej khoom uas nqe pheej yig tshaj plaws npaum li qhov lawv yuav tau.''

Thiaj tau cov kev mus txheeb txog tej hauj lwm no tom qab tau muaj cov kev nqua hu kom tswj ob lub tuam txhab Coles thiab Woolworths, uas tau muaj xov xwm cej luam qhia tias lawv khwv tau nyiaj ntau heev los tau ntau lub xyoo sib law liag.

Ob lub khw muag khoom loj no raug liam tias tau siv tej xub ke tsis ncaj kom lawv khwv tau nyiaj li txhob tswm tsub nqe kim rau lawv tej clients los yog pheej ua kom muaj teeb meem rau tej neeg xa khoom rau supermarket muag.

Ces cov kev txheeb txog tej xwm txheej no thiaj li yog ib feem ntawm tsoom fwv cov kev kho tseem ceeb los kho kom tej lagluam no muaj peev xwm sib tw lagluam, thiab kuj tau muaj Australia lub koom haum pov puag tej neeg yuav khoom siv uas tuaj nruab nrab los kuj tau muaj ib cov kev txheeb txog tej supermarket tej nqe muag khoom no nrog thiab.

Txawm li cas los ntshe tseem yuav yog ntau hli ntxiv no mas thiaj mam muaj peev xwm coj tau tsab ntawv cej luam uas txheeb rau lub sij hawm ntau hli ua cia siab tias yuav coj los qhia rau lub 8 hli ntuj nod.

Mloog tau SBS Hmong hnub zwj Teeb (Thursday) 6 pm, hnub zwj Hnub (Sunday) 11 am, los yog koom tau ntxiv ntawm SBS Hmong Facebook, Google podcasts, Spotify thiab Apple podcasts. Download SBS Audio app thiab caum SBS Hmong pod follow.