Tsoom fwv teb chaws Australia tab tom yuav ua kom nyuaj tuaj ntxiv rau tej pej xeem txawv teb chaws kom tsis txhob 'muaj peev xwm thov hloov tau lwm cov visa tshiab siv.'
Thiab tsoom fwv teb chaws yuav pib siv lub tswv yim no txij hnub tim 1 lub 7 hli ntuj (2024) no mus lawm los tswj tej cai kom nruj tshaj qub ntxiv rau tej neeg uas yuav tuaj kawm ntawm teb chaws Australia no.
Cov kev hloov no thiaj yuav tsis sib ob txoj xub ke uas tsoom fwv teb chaws hais tias ''ua rau muaj teeb meem rau nom tswv'' tej tswv yim siv tos tej tub kawm txawv teb chaws tuaj kawm.
Ces tej neeg uas thov tau cov Visitor Visa thiab Temporary Graduate Visa siv thiaj yuav tsis muaj peev xwm thov tau cov Student Visas kawm ntawv thaum lawv tseem nyob ntawm teb chaws Australia no ntxiv lawm.
Clare O’Neil uas yog Australia tus nom tswj lub tuam chav Home Affairs hais ib co ncauj lug tias ''tej neeg thov tau tej visitor visa uas pheej xav hloov thov cov student visa kom tau kawm ntawv no mas muaj coob tshaj 36,000 tus txij li tim 1 lub 7 hli ntuj xyoo 2023 txog thaum xaus lub 5 hlis ntuj xyoo 2024 no lawm.''
Ms O'Neil thiaj hais tias cov kev hloov no muaj hom phiaj yuav los txo kom muaj tej neeg uas tej zaum yuav tau ''nyob ruaj ib ntus'' kom tsawg.
Mloog tau hnub zwj Teeb (Thursday) 6 pm, hnub zwj Hnub (Sunday) 11 am, los yog koom tau ntxiv ntawm , , thiab . Downloadthiab caum
