Xov xwm luv tshaj tawm hnub zwj Feej (Wednesday newsflash 13.03.2024):
Tej tub kawm thoob teb chaws Australia pib mus tshau txuj NAPLAN exams txij hnub zwj Feej (Wednesday) no mus lawm mus sim tias seb lawv paub ntaub ntawv thiab zauv zoo npaum li cas. Ntau xyoo dhau los ces tej me nyuam yuav tau tos ntev tshaj 3 hlis mam paub lawv cov results tab sis xyoo 2024 no ces tej zaum tsuas yog ib hlis xwb lawv yuav paub tias lawv xeem tau li cas lawm tom qab tau tshau txuj tiav rau tim 25 lub 3 hlis ntuj no.
Tsoom fwv New South Wales tau los pov puag nws lub tswv yim yuav kho tej cai bail laws uas tso cai rau ib tug neeg twg tso nyiaj teem txim mam hais plaub tom qab coj los daws tej hluas cov kev ua txhaum cai. Lub hom phiaj yog xav kho tej cai no kom zoo tshaj qub ntxiv, thiab los tswj tej xwm txheej no ib ntus los yog txheeb tej ma nyuam yaus muaj hnoob nyoog zog uas pheej rov qab ua txhaum cov kev txhaum sib xws li qub.
Pab nom Greens hawv tias nws yuav tsis pab pab nom Labor cov kev xav thov tsim tsab cai Fuel Efficiency STand los siv tswj Australia tej tsheb yog tias tseem fwv tseem xav thov kho cov hauj lwm gas projects ntawd thiab. Madeleine King uas yog tus nom tswj dej num peev txheej tseem tab tom npaj yuav los kho cov hauj lsm offshore gas thiab petroleum laws vim nws hais tias tseem tsis tau muaj tej cai meej siv txog cov project consultation.
Kuj tau muaj ib lub nkoj tab tom thauj ib cov khoom pab cuam ntawm Cyprus mus rau Gaza lawm. Lub nkoj no thauj tej zaub mov noj li ntawm 200 tons uas cia siab tias yuav mus txog Gaza rau ob peb hnub ntxiv no. Ces thiaj tau muaj cov kev tsub niab ntau tuaj ntxiv kom tsoom fwv Australia tshwm nyiaj pab rau UN lub koom haum UNRWA uas pab tej neeg txom nyem Palestinians.
Teb chaws Philippines tsis pom zoo nrog Suav tejt swv yim los daws cov kev tsis haum xeeb txog tej ciam dej uas tau muaj los ntev ntawm ob tog ntawm hiav txwv South China Sea, vim ob lub teb chaws no tej neeg tswj ciam dej thiab pej xeem tej nkoj nuv ntses tseem muaj kev cov nyom rau thaj hiav txwv uas tseem sib txeeb ntawd. Ces nom tswv Filipino thiaj hais tias nws tsis pom zoo nrog Suav tej tswv yim vim tsis tau txiaj ntsim rau nws lub teb chaws thiab tsis ua raws li pej kum haiv cai.
Tau muaj ib cov kev teeb txheeb tshiab los ntawm lub koom haum Economic Development of Australia (CEDA) ces pom tau tias teb chaws Australia tseem tsis tshua lees paub tej neeg tsiv teb tsaws chaws tej txuj ci thiab tej qualifications txawm tias muaj teeb meem nrhiav tsis tau tej neeg muaj txuj ci paub ua hauj lwm los pab nws tej lagluam. Ces tsab ntawv cej luam ntawm lub koom haum no thiaj txheeb tau tias cov kev tsis paub lus Askiv zoo, thiab cov kev tsis lees paub tej neeg no tej txuj ci - nrog rau cov kev raug cais thiaj ua rau Australia tsis tau txais txiaj ntsim los ntawm tej neeg tsiv teb tsaws chaw no raws li qhov tsim nyog ntawm tej chaw ua hauj lwm.
The Laotian Times tau tshaj tawm tias Phabmab yuav npaj tsim ib fij dav hlau ya ncaj qha ntawm Yangon mus rau tuam ceeb Viengchan (Vietiane Municipality) rau thaum ntxov rau lub 5 hlis ntuj xyoo no.
Vientiane Times kuj tau tshaj tawm tias lub tuam txhab Linfox Logistic npaj ua nws cov lagluam logistic thiab supply chains hauv Nplog teb kom nthuav dav tuaj ntxiv.
Bangkok Post tau tshaj tawm tias Thaib lub chaw tswj kev xaiv tsa xav kom muab pab nom Move Forward Party rhuav tsis pub ua nom ntxiv, vim pab nom no muaj ib tsab cai xav kho nqe cai 112 Les Majestie uas rau txim rau tej neeg thuam saib tsis tau huab tais Thaib tsev neeg.
Mloog tau hnub zwj Teeb (Thursday) 6 pm, hnub zwj Hnub (Sunday) 11 am, los yog koom tau ntxiv ntawm , , thiab . Downloadthiab caum
