Australia cov kev txhawb nws lub zog tub rog nruab deg

Richard Marles uas yog Australia tus nom tswj dej num tiv thaiv teb chaws qhia tias yuav npaj yuav dua ib cov nkoj tua rog tshiab kom Australia tej tub rog nruab deg thiaj muaj peev xwm tiv thaiv thiab tawm tsam.

Tuesday newsflash Source: SBS

Xov xwm luv tshaj tawm hnub zwj Quag (Tuesday newsflash) 20.02.2024:

Richard Marles uas yog Australia tus nom tswj dej num tiv thaib teb chaws tau qhia tias yuav yuav kom tau Australia cov nkoj tua rog ntau tuaj ntxiv txog li 26 lub, li yuav tej nkoj tua rog me kom ntau tuaj ntxiv thiab nrog xyuas kom tej nkoj tua rog loj muaj peev xwm tawm tsam, thiab yuav siv nyiaj tsawg dua li $54 billion rau lub sij hawm 10 xyoo ntxiv no.

Kuj tau muaj 6 thaj chaw ntau tuaj ntxiv ntawm NSW uas raug qhia meej tias paug cov asbestos li muaj ob lub teej kawm thiab ib co tsev kho mob tseem raug sim lawm. Tsis tas li ntawd los kuj muaj ntau caum thaj chaw ntawm ACT raug tej teeb meem no txij xyoo 2023 los thiab, ces tej nom tswv pov puag tej ib puag ncig thiaj yuav tau nrog xyuas kom tsis txhob muag cov mulch no ntxiv.

Tej nom tswv sawv cev rau neeg Palestinian tau nqua hu kom tej kws hais plaub ntawm UN lub tsev hais plaub tshaj tawm tias Israel cov kev txeeb lawv tej nrim av yog ib co kev ua txhaum cai. Thiaj tau muaj tej xwm txheej no rau lub caij thawj limtiam uas tau hais tej xwm txheej no ntawm International Court of Justice (ICJ) ntwm Hague. Tab sis Israel hais tias tej lus no yuav ua rau daws tsis tau cov kev tsis sib haum xeeb thiab UN yuav tuaj ib tog twg lawm.

Yulia Navalny uas yog Alexei, tus coj ntawm Russia lwm pab nom hais tias nws yeej yuav ua nws tus txiv tej hauj lwm daws tso Russia txuas ntxiv, nws tau nqua hu kom tej neeg tawm tsam mus tawm tsam President Vladimir Putin kom muaj ceem tshaj qub ntxiv. Thiab nws luj tau hais tias President Putin ''tau tua nws tus txiv'' thiab muab nws tus txiv lub cev zais. Tab sis tsoom fwv Kremlin tsis lees paub tias nws muaj feem cuam tshuam dab tsi.

The Laotian Times tau tshaj tawm tias muaj Nplog 3 lub xeev li Luang Prabang, tuam ceeb Vientiane thiab Chapasak yog peb lub xeev uas huab cua tsis huv vim hlawv khib nyiab, txov zoov thiab hlawv teb.

Bangkok Post tau tshaj tawm tias Thaksin Shinawatra uas yog Thaib tus qub thawj pwm tsav dhau los raug coj mus hais plaub vim raug liam tias xyoo 2015 uas nws tau mus rau Soel ntawd nws tau hais lus thuam saib tsis tau tsev neeg huab tais Thaib. Txawm tias nws raug teem txim kaw tsev laj cuj 8 xyoo los huab tais Thaib kuj tau zam txim muab nws kaw ib xyoos xwb.

Mloog tau SBS Hmong hnub zwj Teeb (Thursday) 6 pm, hnub zwj Hnub (Sunday) 11 am, los yog koom tau ntxiv ntawm SBS Hmong Facebook, Google podcasts, Spotify thiab Apple podcasts. Download SBS Audio app thiab caum SBS Hmong pod follow.