Xov xwm luv tshaj tawm hnub zwj Quag (Tuesday news 25.06.2024):
Kuj tau muaj ib co xov xwm tshiab tau qhia tias tau muaj tej kws kho mob tej nurse los yog tej neeg ua hauj lwm kho mob coob tuaj ntxiv ntawm Australia cov health care system coob tuaj ntxiv lawm. Tab sis tej koom haum uas tswj tej hauj lwm noj qab haus huv no tau qhia tias tej kws kho mob ntau txheeb tus uas kawm tiav txawv teb chaws no yeej tsis raug lees paub lawv cov qualifications. Thiab tseem muaj ntau pua tus tsis muaj peev xwm yuav ua tau hauj lwm.
Raws li lub koom haum New South Wales nurse tau qhia ces tej nurses thiab tej midwives ua hauj lwm yuav tau nyiaj hauj lwm ntau tuaj ntxiv thiab yuav tsis ua rau muaj teeb meem rau tus tsoom fwv xeev yuav tau siv tsoom fwv teb chaws tej nyiaj ntau billion dollars. Lub koom haum NSW Nurses and Midwives' Association kuj tau coj Deloitte tsab ntawv cej luam uas tau mus tshuaj ntsuam txog tej hauj lwm no tau qhia rau hnub zwj Hli (Monday) tim 24.06.2024 tias yeej tseem muaj cov kev cej luam uas tsis tsis tau hauj lwm zoo los yog ua tsis tau hauj lwm zoo ntawm tej tsev kho mob uas ua rau tsis muaj peev xwm yuav siv tau tsoom fwv teb chaws tej nyiaj $3 billion rau lub sij hawm 5 xyoos dhau los.
Kuj tau muaj ib tug nom tswv Russia tau liam teb chaws Ukraine tias yog tus muaj feem xyuam rau cov neeg phem uas tsim cov xwm txheej tua neeg ntawm Dagestan rau hnub Sunday dhau los, thaum uas tau muaj ib cov neeg nqa phom cia li mus tua ib co neeg nyob rau ntawm ib lub tsev teev hawm uas tau ua rau ntau tus tub ceev xwm thiab ib tug txiv plig raug tua tuag. Raws li tau xub muaj cov kev cej luam txog tej xwm txheej no ces tej neeg phem no yeej muaj feem cuam tshuam nrog rau cov koom haum tua pej xeem kom zej tsoom ntshai.
Yoav Gallant uas yog Israel tus nom tiv thaiv teb chaws tseem tab tom mus xyuas teb chaws Meskas thiab nrog CIA tus coj thiab Meskas tus nom txawv teb chaws sib tham tias seb yuav ua li cas rau tsov rog Gaza war txuas ntxiv tom ntej no. Mr Gallant los kuj yuav ua tib zoo los daws tej xwm txheej yuav kub ntxhov ntau tuaj ntxiv rau nws lub teb chaws no rau sab qaum teb ntawm cov ciam teb nrog rau cov tub rog Hezbollah.
Australia cov paj pob zeb hiav txwv Great Barrier Reef kuj raug muab tshem tawm ntawm ntiaj teb cov list uas yuav raug kev puas tsuaj ntawm lub koom haum UNESCO lawm. Raws li tsab ntawv cej luam uas tau cej luam ib xyoos ib zaug uas tau coj mus qhia rau ntawm Paris rau hnub Monday (zwj Hli) tim 24 lub 6 hli ntuj (2024) ces UN pawg rooj saib xyuas kuj pom tau tias tsis tas muab Australia cov paj pob zeb hiav txwv Great Barrier Reef no teev hais tias yog ib co chaw uas tej zaum yuav raug kev puas tsuaj ntxiv lawm.
Kuj tau muaj ib co nom MPs (Nom kis xeev qes) tuaj nruab nrab tsis sawv cev rau tog twg kuj tau muaj cov kev nqua hu kom muaj txoj cai muaj peev xwm los ntiav tau tsev nyob no ua ib txoj cai ntawm teb chaws Australia. Thiaj li tau muaj tej nom kis xeev qes uas sawv cev rau tej pej xeem no tau hais tias tsoom fwv no yuav tsum tau los ua tib zoo kho Australia cov housing system uas sis tsis tau hauj lwm zoo ntawm teb chaws Australia no, vim rau qhov tias tau ua rau muaj ntau txheeb tus neeg no tau ras los ua tej neeg tsis muaj vaj tse nyob.
Teb chaws Australia kuj tseem tab tom yuav ras los ua thawj thawj lub teb chaws uas txwv tsis pub muag cov luam yeeb tso pa nyob rau sab nraum tej chaw muag tshuaj. Tsoom fwv teb chaws kuj tau los muaj cov kev sib khom pom zoo nrog pab nom Greens yuav los ua tib zoo xyuas kom tej neeg muaj hnoob nyoog 18 xyoo muaj peev xwm mus yuav tau cov luam yeeb tso pa no ntawm tej khw muag tshuaj siv yam tsis tas thov ntawv tso cai ntawm tej kws kho mob. Thiaj li ua rau lub koom haum Pharmacy Guild of Australia tsis pom zoo nrog tsoom fwv teb chaws lub tswv yim uas yauv tso cai muag tej luam yeeb tso pa ntawm tej chaw muag tshuaj yam tsis tas thov ntawv tso cai ntawm ib tug kws kho mob.
Mloog tau hnub zwj Teeb (Thursday) 6 pm, hnub zwj Hnub (Sunday) 11 am, los yog koom tau ntxiv ntawm , , thiab . Downloadthiab caum
