Xov xwm luv tshaj tawm rau hnub zwj Feej (Wednesday newsflash 31.01.2024):
Lub koom haum Australia Institute tau muaj ib cov kev teeb txheeb rau yav lig lub 1 hlis ntuj dhau los ces pom tau tias muaj tej neeg xaiv nom txog li 58 feem pua tau pom zoo txhawb nqa tsoom fwv Albanese cov kev kho cov kev txo se theem peb kom tau txais txiaj ntsim rau tej neeg khwv tau nyiaj tsawg thiab khawv tau nyiaj nrab. Tsuas muaj tej neeg txog li 25 feem pua uas xaiv pab nom koom tswj thiab 33 feem pua ntawm tej neeg Australia uas khwv tau nyiaj ntau tshaj $200,000 ib xyoos twg thiaj xav kom txo se raws li tsab cai uas tus tsoom fwv Morrison xub tsim tau cov los siv ntawd xwb.
Tau muaj cov tub koom siab ntawm pab tub paj nruag Rock Bi-2 uas muaj ib tug neeg Australia hu ua Aleksandr Uman nrog uas pheej tib tsis pom zoo nrog Moscow cov tsov rog ntawm Ukraine raug muab kaw ntawm Thaib ib lub tsev laj cuj kaw tej neeg tsiv teb tsaws chaw. Kuj muaj neeg paub tus neeg Australia no tam li Shura Bi-2 thiab kuj yog pej xeem Australia, Russia thiab Belarus uas tau nyob ntawm Melbourne. Kuj tau muaj xov xwm tshaj tawm tias pawg neeg no npaj yuav ya mus rau Australia tab sis thaum kawg raug nom tswv Russia muab ncua lawm.
Tau muaj hnub cua phem nag hmo hnub zwj Quag rau sab hnub tuaj qab teb ntawm xeev Queensland ces thiaj tau ua rau muaj dej nyab thiab raug kev puas tsuaj. Tau ua rau ntau txheeb tus neeg tsis tau hluav taws xob siv, thiab muaj tej teej kawm tshaj 20 lub nrog rau ib co kev raug muab kaw, thiab kuj tau mus pab cawm 39 tug neeg ntawm tej dej ntws ceev heev. Moreton Bay thiab Sunshine Coast yog ob thaj chaw raug kev phom sij loj tshaj plaws, hos Lockyer Valley ntawm sab hnub poob ces kuj raug nyab tib yam thiab. Thiaj ua rau muaj ntau caum lub tsev raug puas tsuaj ntawm Bray Park. Queensland tus haus xeeev Steven Miles thiaj hais tias nom tswv yeej tab tom tawm mus txheeb seb raug kev puas tsuaj li cas thiab npaj yuav pab zej tsoom lawm.
Associated Press cej luam tias kuj muaj cim qhia tias tej zaum kuj yuav sib khom kom xaus tau tsov rog ntawm Israel thiab Hamas. Tej nom sawv cev ntawm Meskas, Israel, Qatar thiab Egypt kuj tau koom ntau lub rooj sab laj ntau hnub tsis ntev los no uas muaj hom phiaj tsim kom muaj kev pom zoo xaus cov kev tsis haum xeeb thiab kom tso tej neeg raug txhom uas yog ib co laj thawj uas uas rau muaj kob tsov rog no.
Elon Musk tau cav tias nws lub tuam txhab Neuralink muaj peev xwm nruab tau cov chip rau hauv tib neeg paj hlwb lawm. Nws tau hais tej lus no rau hauv nws phau X account tias daim chip no nyias nyias thiab luaj lub npib nyiaj nrog ib cov xov uas raug nruab rau lub khauj khaum pob txha taub hau txuas ncaj qha rau lub paj hlwb. Thaum xub mas hu ua brain computer interface uas yuav pab kom tej neeg cov kev xav muaj peev xwm tswj computer cursor thiab siv tau keyboard.
Bangkok Post tau tshaj tawm tias Thaib lub tsev hais plaub Constitutional Court tseem yuav los txiav txim tias seb pab nom Move Forward Party thiab Pita Limjareonrat cov kev xav thov kho Thaib tsab cai 112 Les Majeste Law uas tsis xav cia huab tais Thaib ua tus coj teb chaws raws li tsab cai 49 uas teev tias yuav tsis pub tej neeg ntiag tug siv lawv txoj cai thiab cov kev ywj pheej los rhuav tshem tsev neeg huab tais Thaib ntawd puas yog cov kev ua txhaum cai li cas.
Socceroos tseem yuav sib tw nrog South Korea rau cov kev sib tw ASIAN Cup semi-final.
Mloog tau hnub zwj Teeb (Thursday) 6 pm, hnub zwj Hnub (Sunday) 11 am, los yog koom tau ntxiv ntawm , , thiab . Downloadthiab caum
