Xov xwm luv tshaj tawm rau hnub zwj Quag (Tuesday tim 19.03.2024):
Australia lub koom haum tswj tej lagluam muag hluav taws xob (Australian Energy Regulator) tau qhia tias nws tau tsim dua ib cov kev kho tej nqe them hluav taws xob tshiab uas tej zaum ib txhia customers yuv tau them nqe hluav taws xob pheej yig zog. Cov kev teeb nqe no yuav teev tias tej tuam txhab muaj peev xwm muag kim npaum li cas rau ntawm ib co xeev li New South Wales, South Australia thiab qee thaj chaw ntawm xeev Queensland.
Tej nom ntawm lwm cov pab nom me kuj tau muaj cov kev nqua hu kom muaj kev dawb huv tuaj ntxiv rau tej nyiaj coj mus pab rau tej nom, thiab qhia qhov tseeb txog cov kev haub tau yaum txog cov hauj lwm laj fai kum xeeb ua ntej yuav rov qab muaj cov kev xaiv tsa tsoom fwv teb chaws ntxiv tom ntej no. Pab nom Greens thiab Jacqui Lambie uas yog ib tug nom ywj pheej kuj tau sib koom los txhawb nqa tsab cai Fair and Transparent Elections Bill uas yuav tau qhia tias seb pab nyiaj ntau npaum li cas rau ib pab nom twg yog pab ntau tshaj $1,000 thiab yuav txwv tsis pub ib txhia lagluam pab nyiaj rau tej laj fai kum xeeb.
Tej tuam txhab social media raug ceeb toom kom yuav tsum tau kub siab txog cov kev hawv rau lwm tus hauv lawv tej social media platforms hauv online. Australia lub koom haum eSafety Comissioner tau xa ib tsab ntawv ceeb toom rau tej tuam txhab loj li Google, YouTube, X thiab Telegram kom tshab txhais tias seb lawv tab tom ua dab tsi coj los pov puag tej neeg siv uas raug kev kub ntxhov los ntawm tej neeg coj tej tswv yim nruj thiab tej neeg terrorists.
Pab nom koom tswj kuj tsis ntseeg tias Australia tus qub thawj pwm tsav dhau los uas yog Paul Keating tsim nyog yuav mus ntsib Suav tus nom txwv teb chaws thaum nws tuaj xyuas tuam ceeb Canberra tag kis (Zwj Feej (Wednesday) tim 20 lub 3 hlis ntuj xyoo 2024). SBS totaub tias tsoom fwv Suav xav kom Mr Keating mus ntsib Mr Wang Yi rau lub caij 7 xyoo uas nws tau rov qab tuaj xyuas Australia thawj zaug.
Kim Jong-Un uas yog tus coj ntawm teb chaws Kaus Lim qaum teb no kuj tau mus koom cov kev xyaum tua foob pob ntawm sab hnub poob ntawm nws lub teb chaws uas tau teeb ib cov twj tua foob pob loj heev. Thiaj tau muaj cov kev tua tej foob pob uas tua tau mus ze ntau lub rau ntawm hiav txwv thiab yog thawj cov kev sim tom qab tau sij hawm li ntawm 2 hlis uas nws tau tso tseg tsis sim tom qab ib hnub uas muaj xov xwm ntawm South Korea thiab Japan qhia tias nws yuav sim nws tej foob pob.
Tau muaj ib co kev teeb txheeb tshiab qhia tias tau muaj tej vaj tse uas ntiav rau lwm tus nyob no ''yeej tsis muaj peev xwm yuav nyob tau'' rau lub caij ntuj so li vim tej huab cua sab hauv tsev tseem sov tshaj tej huab cuam nraum zoov. Lub koom haum Better Renting thiaj hais tias raws li ntws tau mus txheeb tej huab cua thiab cov kev vaum ntawm tej tsev txog li 109 lub rau lub caij ntuj so ces kuj pom tau tias tej neeg ntiav tsev nyob ntawm New South Wales, Northern Territory, Queensland thiab Western Australia tej tsev yeej sov tshaj 25 degree (Celsius).
Tej nom txawv teb chaws ntawm lub koom haum European Union no kuj tau pom zoo tias yuav rau txim rau tej neeg Israel uas pheej tawm tsam tej neeg Palestinians ntawm West Bank. Cov kev pom zoo raws ntaub ntawv no tseem yuav tau los txheeb tej txheej txheej kom ntxaws tso mas thiaj li yuav los kos xyeem mem tes pom zoo siv.
Kuj tau muaj ob tug txiv neej raug coj mus kho mob rau ntawm tsev kho mob rau lub caij nkawv yuav laug poob deg ntawm ib thaj ntug hiav txwv ntawm xeev Victoria txoj kev Great Ocean Road. Thiab kuj tau muaj tus txiv neej peb tas sim neej ntawm thaj chaw nws poob deg lawm. Ib tug ces raug mob sab thiab raug coj los kho ntawm Melbourne lub tsev kho mob Alfred Hospital, hos ib tug ces kuj hauj sim thiab tseem kho ntawm lub tsev kho mob Barwon Health ntawm Geelong. Brianna Hurst yog tus cawm seej uas tau mus pab ob tug txiv neej no ntawm thaj ntug hiav txwv Marengo ze ntawm Apollo Bay.
Pab nom Greens tau liam tus tsoom fwv Albanese hais tias tsis ua raws li nws tau lus tau cog tseg txog tsab cai gas project bill, thiab hais tias tej zaum tsab cai no yuav ua rau tsis tshua sab laj tej hauj lwm no nrog Australia tej neeg txum tim lawm. Adam Bandt thiaj hais tias cov kev kho tsab cai tswj kev nyab xeeb rau tej neeg ua hauj lwm no yuav ua rau muaj kev tso cai pom zoo rau cov gas projects nrog ntawm Australia rau tej hiav txwv uas tsis tas yuav rov qab txheeb yog tias muaj tej cai tswj tej ib puag ncig nruj zog siv lawm.
Yoon Suk-Yeol uas yog teb chaws Kaus Lim qab teb tau ceeb toom tias yuav muaj teeb meem phom sij los ntawm cov kev siv Artificial Intelligence (AI), vim rau qhov cov AI no muaj peev xwm yuav tshaj tau tej xov xwm cuav los yog yuav ua rau muaj teeb meem rau txoj kev tswj hwm democracy. Tus president no thiaj tau los hais cov lus tawm tswv yim no rau lub caij nws hais ib cov lub qhib lub rooj sab laj tham txog kev tswj hwm Democracy ntawm tuam ceeb Seoul uas tham txog AI ntawd.
Mloog tau hnub zwj Teeb (Thursday) 6 pm, hnub zwj Hnub (Sunday) 11 am, los yog koom tau ntxiv ntawm , , thiab . Downloadthiab caum
