ဘၣ်မနုၤပှၤသုးလီၢ်အိၣ်ဆိးလၢအတူၢ်ဘၣ်ဟံၣ်ပူၤဃီပူၤတၢ်မၤဆူၣ်မၤဆီးသ့ၣ်တဖၣ် အါစုအါဘျီန့ၣ်တၢ်ထံၣ်ကမၣ်အီၤဒ်အမ့ၢ်ပှၤမၤကမၣ်တၢ်လဲၣ်။

ဘၣ်ဃးဟံၣ်ဖိဃီဖိဒီးဟံၣ်ပူၤဃီပူၤတၢ်မၤဆူၣ်မၤဆိးန့ၣ် ပှၤသုးလီၢ်အိၣ်ဆိးဒီးပှၤဘၣ်ကီဘၣ်ခဲပိာ်မုၣ်သ့ၣ်တဖၣ် တၢ်ထံၣ်ကမၣ်အဝဲသ့ၣ်ဒ်အမ့ၢ်ပှၤလၢအဃုတၢ်အ့ၣ်လိာ်ဆိးက့အါန့ၢ် ပိာ်မုၣ်လၢအအိၣ်ဖျဲၣ်ထီၣ်န့ၢ်ဖဲအီစထြ့လယါကီၢ်ပူၤသ့ၣ်တဖၣ် သၢဆးန့ၣ်လီၤ။

PRESS ASSOCIATION Photo. Picture date: Thursday July 31, 2014. Photo credit should read: Anna Gowthorpe/PA Wire Source: Press Association

တချုးလၢအဝဲဟဲသုးအိၣ်ဖဲအီစထြ့လယါကီၢ်ပူၤဒံးဘၣ်အခါလံ ဆဲရၤ (လၢတအမ့ၢ်အမံၤနီၣ်ကီၢ်ဘၣ်) သ့ၣ်ညါလၢ အတၢ်ရ့လိာ်တၢ်အိၣ်သးဒီးအဝၤန့ၣ်တဂ့ၤဘၣ်။

ဘၣ်ဆၣ်သနာ်က့ ကျိၣ်စ့ဂ့ၢ်ဝီ၊ နီၣ်သးအတၢ်တူၢ်ဘၣ်ဒီး သွံၣ်ထံးအတၢ်ရ့လိာ်မၤအၢမၤသီလၢအတူၢ်ဘၣ်ဝဲဖဲအဝၤအစုအပူၤသ့ၣ်တဖၣ် မ့ၢ်တၢ်မၤဆါပယွဲန့ၣ် အဝဲတသ့ၣ်ညါအီၤဘၣ်န့ၣ်လီၤ။