Key Points
- Higher Education Loan ඔස්සේ ඔබ රැකියාවක් සොයාගන්නා තෙක් ඔබේ අධ්‍යාපන ගාස්තු නැවත ගෙවීම කල් දැමීම සිදු කරයි
- ඔබේ ආදායම වසරකට ඩොලර් 51,550 දක්වා ළඟා වන තෙක් ඔබ ඔබේ ණය ගෙවීම ආරම්භ කිරීමට අවශ්‍ය නොවේ
- සුදුසුකම් ලැබීමට ඔබ ඕස්ට්‍රේලියානු පුරවැසියෙකු විය යුතුය නැතිනම් නිශ්චිත වීසා බලපත්‍රයක් ඔබට තිබිය යුතු වේ
- නොගෙවූ Higher Education Loan ක්‍රමිකව වර්ධනය වේ
ඔස්ට්‍රේලියාව තුල උසස් අධ්‍යාපනයට ඔබ ඇතුළත් වන විට, ඔබේ පාඨමාලා සඳහා ගෙවීම් විධිවිධාන සකස් කිරීමට ඔබට අවශ්‍ය වනු ඇත.
ඇතැම් සිසුන්ට "ණය" ගැනීම වළක්වා ගැනීම සඳහා ඔවුන්ගේ පාඨමාලා ගාස්තු කලින් ගෙවීමට හැකි වේ.
නමුත් බොහෝ පිරිස අධ්‍යාපන ගාස්තු ආවරණය කිරීම සඳහා රජයේ ණයක් තෝරා ගනී.
මෙම රජයේ ණය වැඩසටහන Higher Education Loan Program, නොමැතිනම් "උසස් අධ්‍යාපන ණය වැඩසටහන" හෙවත් HELP ලෙස හැඳින්වේ
උසස් අධ්‍යාපන ණය වැඩසටහනේ ණය වර්ග
මේ යටතේ විශේෂිත උපකාර යෝජනා ක්‍රම පහක් තිබේ.
මේවා අතුරින් HECS-HELP සහ FEE-HELP ප්‍රධාන වේ.
අධ්‍යාපන දෙපාර්තමේන්තුවේ ප්‍රකාශිකාවක වන Stephanie Stockwell කියා සිටින්නේ HECS-HELP ණයක් සඳහා සුදුසුකම් ලැබීමට, ඔබ Commonwealth Supported Place හෙවත් (CSP) හි ලියාපදිංචි විය යුතු බවයි.
CSP ඔස්සේ විශ්ව විද්‍යාලයකට ඇතුළත් වන ශිෂ්‍යයෙකුගේ පාඨමාලාවේ සමස්ත පිරිවැය රජය සෘජුවම විශ්ව විද්‍යාලයට සිදු කරන ගෙවීම ඔස්සේ අඩු වන බව Stephanie සඳහන් කරයි.
කෙසේ නමුත් එම ශිෂ්‍යයාට තවමත් පාඨමාලාවේ වියදමෙන් යම් ප්‍රමාණයක් පියවා ගැනීමට අවශ්‍ය වේ.
එමෙන්ම යමකු ඕස්ට්‍රේලියාවේ තෘතීයික ආයතනයක සහනාධාර නොලබන ස්ථානයක් වන සම්පූර්ණ ගාස්තු ගෙවන ස්ථානයකට ලියාපදිංචි වී ඇත්නම් FEE-HELP භාවිතා කළ හැකි බව Stephanie පවසයි.
ඔබ ලියාපදිංචි වන ස්ථානය අනුව ඔබ සුදුසුකම් ලබන්නේ කුමන ආකාරයේ උපකාරයක්ද යන්න තීරණය කරයි.
කෙසේ නමුත් HECS-HELP සහ FEE-HELP ණය භාවිතා කළ හැක්කේ පාඨමාලා ගාස්තු ආවරණය කිරීමට පමණක් බව මතක තබා ගැනීම වැදගත් වේ.
How is your HELP debt calculated? Source: Getty / Getty Images/Kanawa_Studio
ඔබ HELP ණයක් ලබාගැනීම සඳහා සුදුසුකම් ලබන්නේද?
ඔබ උසස් අධ්‍යාපන ණය වැඩසටහනට සුදුසුකම් ලැබීමට නම්:
- ඕස්ට්‍රේලියාවේ ඔබේ පාඨමාලා කිහිපයක් වත් ඉගෙනීමට සැලසුම් කර ඇති ඕස්ට්‍රේලියානු පුරවැසියෙකු විය යුතු වේ.
- ඕස්ට්‍රේලියාවේ දිගුකාලීන නේවාසික අවශ්‍යතා සපුරාලන සහ ඕස්ට්‍රේලියාවේ සම්පූර්ණ පාඨමාලාව හැදෑරීමට කැපවී සිටින වත්මන් හෝ හිටපු New Zealand Special Category Visa holder කෙනෙකු විය යුතු වේ.
- පාඨමාලාවේ කාලසීමාව තුළ ඕස්ට්‍රේලියාවේ ජීවත් වන ස්ථිර හෝ සුදුසුකම් ඇති Humanitarian Visa හිමියෙකු විය යුතු වේ.
- Pacific Engagement Visa හිමියකු විය යුතු වේ.
Bridging course යන පාඨමාලාවක් හැදෑරීම සඳහා විදේශීය වෘත්තිකයන්ට නිශ්චිත FEE-HELP ණයක් වෙත ප්‍රවේශ විය හැක.
ඔබගේ උසස් අධ්‍යාපන ණය වැඩසටහනේ ණය ගණනය කරන්නේ කෙසේද?
මෙම ගාස්තු අය කරනු ලබන්නේ ඒකකයකට වන අතර වාර්ෂික පදනමින් නොවේ.
ඔබ ලබා ගන්නා ඒකක වැඩි වන තරමට නය ඉහල යාම සිදු වේ.
මහාචාර්ය Bruce Chapman Australian National University හි ආර්ථික විද්‍යාව පිළිබඳ සම්මානිත මහාචාර්යවරයෙකු වන අතර මුල් HECS පද්ධතියේ ගෘහ නිර්මාණ ශිල්පියා වේ.
Bruce කියා සිටින්නේ ඔබ උපාධියකට ඇතුළත් වන්නේ නම්, ඔබට පළමු අධ්‍යයන වාරයේ දී ඒකක හතරක් කළ හැකි බවයි.
එමෙන්ම එක්වසරකට ඔබට ඩොලර් 3,000 ක් වැය විය හැකි නමුත් ඊළඟ වසරේදී ඔබ එක් පාඨමාලාවක් පමණක් හදාරන්නේ නම්, ඔබේ ණය වැඩි වන්නේ ඩොලර් 500 කින් පමනක් වන බවත් Bruce පවසයි.
Horizontal color image of a small group of Australian university students from different heritages and backgrounds. Credit: funky-data/Getty Images
ඔබ ඔබේ ණය නැවත ගෙවන්නේ කෙසේද?
ඔබ රැකියාවක් සොයා ගන්නා තෙක් ඔබේ ණය එලෙසම පවතී.
ඔබේ සේවායෝජකයා ඔබේ වැටුපෙන් ආදායම් බද්ද රඳවා තබා ගන්නා විට, ඔවුන් ඔබේ ණය ගෙවීමට අමතර මුදලක් රඳවා ගැනීම සිදු කරයි.
නමුත් මෙය ඔබේ වාර්ෂික ආදායම යම් මට්ටමකට පැමිණි පසු පමණක් සිදු වේ.
මේ වනවිට එම මට්ටම වසරකට ඩොලර් 51,550 ක් වන අතර, එම අවස්ථාවේදී ඔබේ ණය සම්පුර්ණයෙන් ගෙවෙන තුරු ඔබේ ආදායමෙන් 1% අමතර බදු අය කෙරේ.
මහාචාර්ය Bruce පැහැදිලි කරන්නේ එක් වැදගත් අංගයක් මගින් HELP ක්‍රමය විදේශීය ශිෂ්‍ය ණය යෝජනා ක්‍රම වලින් වෙන් කර ඇති බවයි.
යමකුට රැකියාව අහිමි වුවහොත් හෝ ඔවුන් අසනීප වුවහොත් හෝ ඔවුන් වයස්ගත දෙමාපියෙකු හෝ අලුත උපන් දරුවෙකු බලා ගන්නේ නම්, ඔවුන්ට එම කාලය තුල ණය ආපසු ගෙවීම ගැන කරදර විය යුතු නැති බව මහාචාර්ය Bruce පවසයි.
නැවත ඔවුන්ගේ ආර්ථික තත්වය යථා අතට පත් වූ පසුව රජය එය පසුව එකතු කිරීම සිදු කරයි.
ඔබේ HELP හෙවත් Higher Education Loan Program හි ණය ඔබේ ආදායම මත රඳා පවතින අතර, සාමාන්‍යයෙන් පුද්ගලයින්ගේ ආදායම වෙනස් වීම හේතුවෙන් ණයක් ඇති ඕනෑම කෙනෙකුට පහසු ලෙස ණය ආපසු ගෙවීමේ වැඩපිළිවෙළක් තිබේ.
මේ ආකාරයට, HELP ණය බැංකු ණයවලට වඩා වෙනස් වන අතර, එහිදී ණය ගැනුම්කරු නියමිත කාල සීමාවක් තුළ තම ණය ගෙවන බව මහාචාර්ය Bruce කියා සිටී.
ඔබ ආදායම් සීමාවට ළඟා වන තුරු ඔබේ ණය ගෙවීම ආරම්භ කිරීමට ඔබට අවශ්‍ය නැතත්, ඔබේ ණය කාලයත් සමඟ වර්ධනය විය හැක.
පාරිභෝගික මිල දර්ශකය මත පදනම්ව සෑම වසරකම ණය සඳහා යොදන සුචිගත කිරීමේ අනුපාතය වෙනස් වන බව අධ්‍යාපන දෙපාර්තමේන්තුවේ Stephanie අනතුරු අඟවයි.
ඔබ දීර්ඝ කාලයක් විදේශගතව ජීවත් වීමට තෝරා ගන්නේ නම් රජය ඔබේ ණය ආපසු ගෙවීම සිදු කරයි.
මේ සඳහා ඔබ දේශීය ආදායමක් ප්‍රකාශ කළ යුතු අතර, උපකාරක නීති අදාළ වේ.
The University of Sydney Source: AAP
මේ සඳහා අයදුම් කිරීම පහසුය
Universities Australia හි වැඩබලන ප්‍රධාන විධායක Renee Hindmarsh පවසන පරිදි, ඔබ ඔබේ පාඨමාලාවේ කාලසීමාව සඳහා අයදුම් කළ යුත්තේ එක් වරක් පමණක් වේ.
සුදුසුකම් ඇති සිසුන්ට ඔවුන්ගේ විශ්ව විද්‍යාලය විසින් සපයනු ලබන HECS-HELP පෝරමය සඳහා ඉල්ලීමක් ඉදිරිපත් කිරීමට අවශ්‍ය වේ.
මෙම පෝරමය පිරවීමේදී ඔවුන්ට TFN හෙවත් බදු ගොනු අංකය හෝ ඒ සඳහා යොමු කල අයදුම්පතක් තහවුරු කිරීම මෙන්ම, ඔවුන්ගේ Unique Student Identifier වැනි දේ තහවුරු කිරීමට අවශ්‍ය වනු ඇත.
ඔබේ තෘතීයික අධ්‍යයන සඳහා මූල්‍යකරණය සඳහා රජයේ ආධාර පිළිබඳ වැඩි විස්තර දැනගැනීමට අවශ්‍ය නම් වෙත පිවිසෙන්න.
