Australia Esplika - Soe ropa ne'ebe ita lakohi hatais

Kada tinan Australianu sira soe roupa uzadu hamutuk tonelada 200,000 ka liu ba lixu. Ne'e siginifika katak ema ida soe ropa kuaze kilograma 10 tinan ida. Ita bele ajuda kombate krize lixu textil Australia nian liuhusi hili atu halo recycle, fó doasaun, no troka roupa ne'ebé ita lakohi atu hatais ho ema seluk.

Halot ropa husi armario dalaruma fo alegria ba ita, maibe iha tempu hanesan ita mos sente katak ita konsume ropa barak demais. Credit: Cavan Images/Getty Images

Key Points

• Nunka tau ropa iha ita nia fatin lixu iha uma.
• Loja boot sira ne’ebe mak faan ropa trendy nian simu roupa ho kondisaun atu halo recycle.
• Doasaun roupa ne'ebé ho kualidade la di'ak sei ba para hotu iha fatin recycle ropa nian, husi kusta loja karidade ka oportunidade sira.

Konsellu fashion Australia relata katak sira sosa hena foun hamutuk 56 tipu hena foun kada tinan.

Ami nia roupa, liuliu ho naran fast fashion

bele sai lalais, estraga ka la tuir moda lalais, tan ne'e ami tenke hatudu responsabilidade ba roupa sira-ne'e. Ne'e katak halo sira sai husi lixu ropa nian liuhusi doasaun no halo recycle.

Ita nia fatin soe foer laos resposta ba asuntu soe ropa uzadu nian

Tuir Rebecca Gilling, CEO ba Planet Ark dehan katak " regulamenetu prinsipal mak ema labele soe ropa ba lixu sasan nian, ropa sira hanesan hena ropa hatais, sapatu, kolsa, toalha no sasan seluk.

Problema ho ropa sira ne'ebe ema soe iha lixu, alende de labele recycle husi sistema ne'ebe mak iha, bele estraga mos makina ne'ebe mak uz ba recycle hodi sai paradu hotu.

Rebecca Gilling, CEO of Planet Ark

Maibe ita bele liga ba servisu online ne'ebe bela mai foti ita nia ropa. Ho selu osan balun, kompanha sira ne'ebe servisu online sei mai foti ita nia ropa ne'ebe ita la hatais ka soe no aranja ba halo recycle ka halo doasaun ba fatin seluk.

Australia Esplika: Ropa uzado - fatin doasaun nian Source: Moment RF / Andrew Merry/Getty Images

Halo doasaun ba loja ropa segundamaun ka Op. shop

Australianu sira gosta tebes fo sira nia ropa sira ne'ebe la hatais ona ba loja karidade sira. Ida ne'e la involve selu kustu ropa kuandu lori hela ropa hirak ne'e ba loha karidade sira ne'ebe iha ne'e bolu " op shop" – ou ka loja oportunidade. Iha mos opsaun seluk atu tau iha fatin sira ne'ebe mak dedika ona atu tau ropa uzadu sira iha ema ida-ida nia sidade.

Op shop ka loja oportunidade sira iha Australia nia laran hetan rendimentu besik dolar biliaun ida ba sira ne'ebé presiza hodi fa'an roupa uzadu.

Maski nune'e, ema presiza kuidadu kona-ba buat ne'ebé sira fó.

Sra.Gilling haktuir mos katak "Ita lakohi ema atu soe sasán ne'ebé la bele uza ka at ona tanba sira tenke haruka sasán sira-ne'e ba fatin lixu ropa nian, no ne'e mak kustu ba sira."

"Ohin loron, loja sira gasta maizumenus osan 13 millaun kada tinan hodi fó roupa no sasán sira ne'ebé sira la uza ka lakohi."

Tuir Omer Soker, CEO husi Charitable Recycling Australia. Iha dalan simples ida atu haree kualidade doasaun nian,

Se ema lakohi atu fo ba sira nia kolega sira, favor ida labele fo ba loja karidade sira

Omer Soker, CEO of Charitable Recycling Australia

Ema bele buka lista loja oportunidade ka Op shop iha Australia laran tomak iha Charitable Recycling Australia, inkluido:

• Salvos
• Vinnies
• Australian Red Cross
• Save the Children
• Lifeline
• Anglicare
• Brotherhood of St Laurence

Iha sira nia website fo mos informasun kona ba ‘reuse impact’ tool" intrumentu impaktu husi sasan ne'ebe uzado" hodi kalkula karbon emission ne'ebe ema prevene ho kada ropa ne'ebe sira fo.

Trabalhadores sira hili hela ropa husi ropa ne'ebe mak ema fo hanesan doasaun iha St Vincent de Paul Society, fatin doasaun karidade boot iha Sydney. Source: AFP / PETER PARKS/AFP via Getty Images

Lori ita nia ropa ba recycle

Se ita nia ropa la liu husi kategoria " labele fo ba kolega ka familia" entaun ema presiza buka fatin recycle iha sira nia sidade ka sidade ne'ebe mak besik sira.

Tuir Sra. Gilling dehan mos “ loja boot H&M iha fatin recycle ne'ebe gratuitu iha sira nia loja balun- ba kualker ropa ne'ebe mak ema la hatais ona no ho kualker kondisaun.

“Nune'e mos loja boot Zara iha mos fatin recycle gratuitu ba kualker fabriku ropa iha loja balun. Uniqlo mos iha fatin recycle ne'ebe gratiutu ba ropa sira nian iha kualker kondisaun. No Patagonia iha mos programa sira bolu "troka ho aumenta" ba ropa sira ne'ebe mak ema hatais ona no bele lori ba loja iha sira nia sidade hodi hetan fali kreditu loja ba sosa sasan seluk.

Atu hatene liu tan kona ba loja sira ne'e bele visita situs tuir mai recyclingnearyou.com.au.

Ita nia konselho lokal sira mos iha fasilidade hodi ema lori ropa ba tau iha ne'eba

Nune'e mos Planet Earth simu doasaun ba sapatu eportu nian iha NSW, Victoria and Queensland. Sira hanesan organizasaun ne'ebe la hetan lukru hodi fo sapatu sira ne'ebe uzado maibe iha kondisaun diak ba ema ne'ebe mak presiza iha mundu hotu.

Atende eventu sira ne'ebe ema troka ropa ba malu

Eventu sira hanesan organiza husi The Clothing Exchange hetan momentum ne'ebe diak tebes.

Tuir Adam Worling, Konsellu ba sidade Sydney haktuir katak

“eventu troka ropa ba malu ne'ebe mak ami halao "The Clothing Exchange" iha Sydney hanesan oportunidade fantastiku ida ba ema atu lori sira nia ropa mai ne'ebe la too ona sira hodi troka ho ema seluk ne'ebe hakarak foti fali ropa seluk husi ema seluk.

Atividade ne'ebe mak divertir tebes kuandu ita hamos ita nia roupa armario, aumesmo tempu fo hanoin mos kona ba sasan ne'ebe ita konsume.

Sr. Worling hatutan tan “Buat ne'ebe mak ami halo mos katak azuda ema hasai sira nia ropa husi sira nia lixu fatin no fo ba ema seluk ne'ebe mak gosta ita nia ropa ne'ebe antes ne'e ita mos gosta tebes.

Bele visita The Clothing Exchange ba eventu troka ropa ba malu iha sidade hotu iha Australia.

Ol hangem ol klos long hanga. i gat ol diferen kaen klos mo hanga long wan klos exchange parti. Source: Moment RF / Marissa Powell/Getty Images

Suporta sirklu ekonomia

Ita presiza konsidera siklu husi ita nia ropa. Charitable Recycling Australia hanesan organizasaun ida ne'e mak halao servisu barak iha "sirklu ekonomia" ne'ebe fo objetivu atu hamenus ema konsume ropa, uza ropa ne'ebe mak iha no recycle wainhira presiza tebes.

Ne'e kona ba azuda ema seluk ne'ebe presiza ba produtu ne'ebe sira hakarak.

Omer Soker, CEO of Charitable Recycling Australia

Sr. Soker hateten “Ne'e signifika katak sosa ropa ne'ebe mak ita presiza duni, uza ba tempu naruk, hadia ropa ne'e, no kuandu tempu atu soe, bele halo doasaun ba loja oportunidade sira hodi nune'e ita nia ropa bele buka fatin seluk ba hela, maibe ida ne'e kuandu sira nia kondisaun sei diak.

“Ou ka se ropa hirak ne'e iha kondisaun ladiak ona no presiza atu soe ka les, favor buka fatin ne'ebe mak apropiu hodu soe ka fo.