Oinsa atu faan ita nia karetta uzadu ka segundamaun iha Australia

Atu fa'an karreta uzado ka segundamaun iha Australia bele liu husi prosesu oi-oin depende ba fatin ne'ebé mak ita-boot sira hela ba, tanba fatin ida la hanesan ho fatin seluk. Tuir mai lista kontrolu (checklist) ne'ebe bele ajuda ita-boot sira atu halo navigasaun ho susesu ba ita-boot nia esperiénsia fa'an karreta no livre husi estrese.

Credit: XiXinXing/Getty Images

Pontu chave sira

• Iha solusaun tolu hodi fa'an karreta iha Australia: ema ba ema, liu husi kompanya sira ne’ebe fa’an karreta segundamaun ka liu husi leilaun.
• Buat hirak ne'ebé tenke konsidera bainhira fa'an mesak, inklui presu, kualkér reparasaun ne'ebé presiza antes. Iha iha estadu balun halo mos kontrolu obrigatóriu atu hare karreta nia kondisaun kuandu halai iha estrada.
• Kompleta transferénsia rejistu nian tuir ita-nia autoridade rejistu motór nian. Ida ne'e obrigatóriu hafoin fa'an tiha ita-nia karreta.

Ba ita-boot sira ne'ebe hakarak fa'an karreta uzado, iha ema barak mak hakarak sosa karreta uzado ka segundamaun.

Tuir estimativa husi proxy foin lalais ne'e, merkadu karreta uzadu maizumenus bot liu dala tolu kompara ho merkadu karreta foun.

Maibé oinsá mak ita bele halo planu atu fa'an ita-nia karreta ho susesu?

Tuir Kathy Townsend, Diretor envolvimentu regulatoriu iha New South Wales Fair Trading, haktuir katak, buat primeiru ne'ebé ema tenke deside maka atu uza dalan ida ne'ebe, tanba iha dalan tolu; ida mak fa'an mesak, ida liu husi kompanya akreditadu sira no ida seluk liu husi kompanya leilaun. Ida ne'e depende ba ema ida-idak nia opsaun.

Credit: Alan Powdrill/Getty Images

Bainhira ita fa'an ba negosiante karreta ka dealer ida, karik ita sei hetan folin ne'ebé ki'ik tanba negosiante ka dealer ne'e tenki tau kustu kalkulasaun ne'ebe sira halo atu manan durante prosesu nia laran. Poresemplu, sira tenke hetan marjen lukru nian, no sira mós sei iha obrigasaun balun ne'ebé sira tenki halo ho ema ne'ebe sosa karreta ita-boot nian. Se ita fa'an hela liu husi uma lilaun ka iha ne'e sira bolu "auction house" ita presiza konsidera komisaun lilaun nian, baibain ita bele konta maizumenus 10 to'o 15% husi folin fa'an nian.

Uma lilaun ka auction house sira prefere liu fa'an karreta klasiku no koletor, enkuantu servisu negosiante karreta nian mak opsaun di'ak bainhira fa'an karreta tuan ba karreta foun ida ka hakarak de'it delega prosesu fa'an nian.

Fa'an ho tipu husi ema ba ema, baibain liu husi plataforma media sosial sira hanesan merkadu facebook ka seluk. Ida ne'e mak dalan komún ida-ne'ebé ema uza atu fa'an sira nia karreta ba vendedor privadu sira.

Sra. Townsend fó informasaun jerál kona-ba dokumentus ne'ebé ita-boot sira prezisa prepara ho diak bainhira hili atu fa'an mesak ka privadu.

Senhora Chinese ida ne'ebe prekupada hela ho komparasaun deklarasaun konta finanseiru ho banku liu husi liña telefone. Credit: Edwin Tan /Getty Images

Ema ne'ebe mak sosa ita nia karreta sei hakarak atu verifika dokumentus karreta nian, inkluido se ita mak nain ba karreta ne'e, hanesan sira sei husu ita nia karta kondusaun atu verifika. Sira mos sei check detalhu kona-ba ita nia karreta hanesan VIN or Chassis numbers. Ida ne'e atu hare se karik ita sei iha deve osan ruma ba karreta ne'e. Sira sei check iu husi link sira hanesan Personal Property Securities Register.

Konselhor ba fa'an karreta privadu, Kara Faella,hanesan mos Jestaun Komersiu Konsumedor ba plataforma online Carsales, fahe fatór xave sira ne'ebé bele afeta ba susesu fa'an karreta:

• Transparénsia kona-ba ita-nia karreta nia istória no kondisaun, inklui mós kondisaun karreta nian ruma ne'ebe mak ladun diak. Ida ne'e atu ajuda ita nia onestidade fa'an karreta nune'e wainhira ita hasoru ema ne'ebe mak sosa karreta atu halo inspesaun ba karreta, sei laiha buat ruma ne'ebe mak halo supreza sira.
  
• ita-nia tempu resposta ba sosa-na'in sira. Hatán perguntas ba ema ne'ebe mak atu sosa karreta ho tempu ne'ebé loos ka lalais importante tebes... Ida ne'e prezisa tanba normalmente ema ne'ebé hakarak sosa ita-nia karreta hakarak liu husi merkado online, sira mós hare ka husu kona-ba karreta sira seluk, tan ne'e kuandu ita hatudu katak ita bele fo informasaun ho lalais e loos, sei atrai sira atu sosa ita nia karreta.
  
• Negosiasaun no presu: "Presu ba karreta normalemente depende ba numeru ho nivel interese husi ema ne'ebe mak hakarak sosa. Koko atu tau presu tuir rekomendasaun husi merkado tamba ida ne'e sei ajuda ita. Se bele, fo liu tiha preseu ne'ebe mak ita hakarak hetan atu iha spasu ba negosisaun wainhira ema hakarak sosa, nune'e mos ida ne'e bele ajuda ita wainhira ita tenbki hatun presu.
  
  Alex Forrest nu'udar Diretor ba Karreta no Kombustivel iha Royal Automovel Club (RAC) Australia Osidental, dehan katak halo reparasaun no hadia karreta molok atu fa'an bele ajuda fo folin no negosiasaun diak wainhira ita halo negosiasaun ho ema ne'ebe mak hakarak atu sosa.
  
  

  Ida ne'e dala barak ita hetan husi anunsio kuandu ema fa'an nia karreta. Ita hatene katak ema ne'e halo ona reparasaun ne'ebe mak diak ba nia karreta, nia iha roda foun no buat seluk tan. Ne'e ajuda tebes no halo ita laran la susar atu sosa.

  Alex Forrest

"Dala barak, sasan no opsaun adisionál sira ne'ebé ita hanoin atu tau iha karreta atu dada ema nia interese hodi sosa karreta ne'e, sei la aumenta tan karreta nia folin, liuliu se ema ne'ebé mak atu sosa karreta ne'e, tenke lori fila fali ba mekaniku hodi troka fali sasán sira-ne'e tanba sira la gosta sasán sira-ne'e.

Austrália esplika - fa'an ita nia karreta - feto ida ne'ebé lori hela karreta. Credit: FG Trade/Getty Images

Ema ne'ebe mak hakarak sosa ita nia karreta sei halo inspesaun ba ita nia karreta diretamente, maibe ema balun lakohi atu ema oin-foun atu ba sira nia uma atu hare ka test sira nia karreta.

Sra. Faella sujere dalan ne'ebe mak diak ba hasoru malu.

“Ita bele ba hasoru ema ne'ebe hakarak sosa ita nia karreta iha fatin publiku, poresemplu iha mall nia karreta para fatin ne'ebe iha ema barak.

“Se ema ne'ebe atu sosa ita nia karreta hakarak atu test ita nia karreta, ita bele husu sira nia chave karreta ne'ebe sira lori hodi mai hasoru ita ka dokumentus orijinal ruma hanesan kartaun kondusaun kuandu sira lori ita nia karreta ba test. Se lae ita mos bele ba ho ema ne'e kuandu sira lori ita nia karreta ba test.

Maibe opsaun ida atu hadia ka aumenta ka modifika karreta nia modelu la nesesariu no laos mos opsaun ne'ebe mak diak antes faan karreta.

Australia Esplika - Mekaniku ida hadia hela motor karreta nian Credit: Reza Estakhrian/Getty Images

Rekerementu antes no depois de fa'an karreta

Depende ba ita-nia estadu/territóriu, iha estadu balun molok atu fa'an ita nia karreta ita tenki pasa uluk verifikasaun kondisaun karreta ne'ebe halo husi ajensia relevantes.

Porezemplu, iha Victoria, ema tenke hetan sertifikadu kona ba inspesaun karreta nian atu hatudu katak karreta ne'e kondisaun diak antes transfere ba ema seluk. Maibé ida-ne'e la akontese iha Western Australia.

Tuir Sr. Forrest hateten" Iha diferensia prosesu iha inspesaun karreta nian iha estadu ida-idak iha Australia.

"Iha mos sujestaun atu hare mos kondisaun makina ka mesin karreta nian, maske ida ne'e laos obrigatoriu, maibe rekomenda tebes ba ema ne'ebe mak hakarak sosa karreta uzado ka segundamaun.

Ikusliu, depois de fa'an tiha karreta, iha pontu chave tolu ne'ebe ema presija halo:

• kontaktu ita nia kompanya seguru ba karetta no ba asistensia iha estrada ne'ebe halo parte husi seguru ne'e
• Asegura katak ita nia konta ba "tollway" ka selu toll transfer ba karreta tuir mai/foun
• Notifika edifísiu ka ajensia rejistu karreta iha ita-nia estadu
  
  Porezemplu, iha New South Wales, ita presiza fó-hatene ba departamentu Servisu ka Service NSW ne'ebe mak rejista ita nia karta kondusaun ho karreta ne'ebe mak ita fa'an ona. Hodi nune'e sira hatene katak karreta ne'e laos ona ita nian.
  
  Sr. Towsend hatutan "Ida ne'e importante atu halo lalais depois ita fa'an karreta, tanba bele hapara ita selu multa ruma ne'ebé bele halo husi sosa-nain foun.
  

Mekaniku karreta ida fo fali chave ba karreta nain depois de hadia tiha karreta iha garajen. Source: Moment RF / thianchai sitthikongsak/Getty Images

"Presiza tebes atu hare ho diak saida mak ita nia estadu nia rekerementu liga ba prosesu fa'an karreta. Tanba iha diferensia entre estadu ida ho estadu seluk. Maibe iha kazu barak, importante liu mak ita fo hatene departamentu ne'ebe mak hola konta kona registrasaun karreta nian.Maibe presiza hatene katak dokumentus ne'ebe rekere ba transfarensia karreta nian la hanesan husi estadu ida ba estadu seluk. No ida ne'e prosesu normal ida. Diferensia mak autoridade ne'ebe hare kona ba asuntu ne'e diferensia entre estadu ida ho estadu seluk.

Ita fa'an ona ita nia karreta?

Parabens! Tuir mai saida mak ita presiza atu halo, depende ba estadu ida-idak ne'ebe ita hela ba iha Australia.

• Australian Capital Territory
• New South Wales
• Victoria
• Western Australia
• South Australia
• Queensland
• Northern Territory
• Tasmania