آسٹریلیا کے منشیات کے استعمال کے حالیہ سروے میں بڑے شہروں میں کوکین اور میتھامفیٹامائن یا آئیس کی ریکارڈ اعلی سطح کا استعمال پایا گیا ہے۔
آسٹریلیائی کریمنل انٹیلیجنس کمیشن (اے سی آئی سی) باقاعدگی سے سیویرج اور نکاس شدہ پانی کی جانچ کے ذریعے حاصل کردہ اعداد و شمار جاری کرتی ہے۔
جاری کی گئی تازہ ترین رپورٹ دسمبر اور فروری کے نمونوں پر مبنی ہے جس میں آسٹریلیا کی 55 فیصد آبادی - تقریبا 14.1 ملین افراد - پر مشتمل ہے اور بڑے شہروں کے ساتھ کئی علاقائی خطوں کے رجحانات سامنے آئے ہیں۔
آسٹریلیا کے مختلف حصوں میں منشیات کے استعمال کا ڈیٹا کیا ظاہر کرتا ہے؟
بڑے شہروں میں، شراب، کوکین، ایم ڈی ایم اے، ایم ڈی اے (ایک مصنوعی محرک)، ہیروئن اور کیٹامائن کی شرح ریجنل علاقوں میں منشیات کی شرح سے تجاوز کر گئ ہے۔
ان علاقوں میں کوکین اور میتھ کا استعمال بھی ریکارڈ سطح تک ذیادہ ہے۔ مگر دوسری طرف ریجنل علاقوں میں، نیکوٹین، آئیس، بھنگ اور مصنوعی اوپیئڈز آکسیکوڈون اور فینٹانیل کی اوسط کھپت بڑے شہروں سے ذیادہ ہے۔
مختلف منشیات کا استعمال بھی ریاستوں اور ریجنل علاقوں میں کافی حد تک مختلف ہے، جس میں کوئینز لینڈ، جنوبی آسٹریلیا اور مغربی آسٹریلیا میں میتھ کے استعمال کی سب سے زیادہ شرح ہے۔
اے سی سی آئی سی کے سی ای او ہیدر کک نے کہا کہ مجموعی اعداد و شمار سے ایک بار پھر یہ تلخ حقیقت واضع ہوتی ہے کہ صحت عامہ اکے لئے بے حد خطرناک ہے۔
انہوں نے کہا،کہ ان رجحانات میں معاون بنیادی عوامل کو سمجھنا اور ان سے نمٹنے کے لئے ہدف شدہ حکمت عملی تیار کرنا بہت ضروری ہے۔”
باقی دنیا کے ممالک کے مقابلے میں آسٹریلیا میں منشیات کے استعمال کا تناسب کتنا ہے؟
اے سی آئی سی نے منشیات کے استعمال کا موازنہ یورپ، اوشیانیا، ایشیاء اور شمالی اور جنوبی امریکہ کے 30 دیگر ممالک کے ساتھ کیا جو سیوج کور گروپ یورپ (SCORE) نامی لیبارٹریوں کے نیٹ ورک کے ذریعہ معیاری ایک ہی ٹیسٹنگ کا طریقہ استعمال کرتے ہیں۔
آسٹریلیا امریکہ کے بعد میتھ کے استعمال کے لئے 30 اسکور ممالک میں دوسرے نمبر پر ہے، جس بعد چیکیا، نیوزی لینڈ اور سلوواکیا کا نمبر ہے۔
اے سی آئی سی کا کہنا ہے کہ میتھ کے استعمال کے نتائج قومی محرک مارکیٹ میں منشیات کے پھیلاؤ کو واضح کرتے ہیں۔
LISTEN TO
Is Australia winning 'the war on drugs'?
SBS News
17/04/202413:42
نیدرلینڈز اور اسپین کے بعد آسٹریلیا بھنگ کے استعمال میں بھی آگے ہے، جو 20 اسکور کے ممالک میں تیسرے نمبر پر آتا ہے۔ تاہم، آسٹریلیا کا ایم ڈی ایم اے اور کوکین کا استعمال دوسرے ممالک کے مقابلے میں کم ہے، جو بالترتیب 33 اسکور ممالک میں سے 15 ویں اور 32 اسکور ممالک میں 20 ویں نمبر پر ہے۔
شراب اور دیگر منشیات کے بارے میں مفت اور خفیہ مشورے تک رسائی حاصل کرنے کے لئے، نیشنل الکحل اور دیگر منشیات کی ہاٹ لائن پر 1800250015 پر فون کریں۔
