Yog tim dab tsi thiaj ua rau muaj tej teeb meem siv ua lub neej? Yeej tau muaj kev kwv yees tias yuav muaj ntau million tus neeg Australia yuav siv nyiaj tshaj li $10 billion rau cov kev yuav khoom thaum xaus financial year 2023-24 no (End of Financial Year sales - EOFY sales).
Ces thiaj li muaj ntau yam khoom, piv txij li tej tsheb, tej holiday packages mus txog rau tej ris tsho thiab tej khoom siv hluav taws xob uas muaj coj los muag raug muab txo nqe muag pheej yig zog rau lub caij ntau limtiam ntxiv no.
Ces thiaj yuav muaj neeg siv nyiaj ntau heev mus yuav tej ris tsho thiab tej khoom siv ntau yam, tom qab yuav tej khoom siv hluav taws xob thiab yuav technology siv, yuav tej khoom siv hauv tej cuab yig thiab tej khoom coj los nruab rau vaj tse kom zoo nkauj thiab tej twj siv ntau yam ntawd.
Ces thiaj tau kwv yees tias tej zaum yuav muaj neeg siv nyiaj tshaj $10 billion rau EOFY sales no, thiab xyoo 2023 dhau los ces yeej tau muaj neeg Australia tau siv nyiaj txog $361 billion yuav tej khoom ntawm tej khw muag khoom, uas muaj tej nyiaj no tshaj $63 billion yog cov yuav khoom hauv online.
Vim tias muaj kev siv nyiaj ntau heev, ces thiaj xav kom tej neeg yuav khoom siv yuav tsum tau ua tib zoo xyuas kom yus nkag siab zoo tias yuav ua li cas kom thiaj txuag tau nyiaj rau yus tshaj plaws thiab kom tsis txhob raug teeb meem rau yus.
Tej uas tej neeg yuav khoom siv tsim nyog paub txog
Yog tej yam tseem ceeb xav kom nkag siab txog cov kev coj tej khoom yus yuav tau lawv rov qab coj mus thim los yog paub txog tej cai teev txog cov kev rov qab coj mus pauv dua ib yam khoom tshiab yeej sib txawv ntawm ib co khw muag khoom twg.
Tej khw muag khoom feem coob yeej pub tej neeg yuav khoom thim tej khoom rov qab rau lub sij hawm 30 hnub (1 hlis) thiab muaj cai thim tau tej nyiaj yus yuav yam khoom ntawd rov qab los sis yog muaj cai hloov yuav lwm yam khoom tshiab tau. Tab sis yeej muaj ib txhia ces yeej muaj lub caij rau tej neeg ua tau li no luv dua los sis tej zaum kuj yuav tsis kam txais tej khoom muag tus nqe pheej yig uas yus tau yuav lawm thiab coj rov qab mus thim ntawd thiab.
Tej khoom no ces muaj tau thaum ces yeej yog cov khoom uas raug coj los muag ua zaum kawg lawm, thiab yog tej uas yog yus tau yuav lawm ces yuav tsis thim nyiaj rov qab rau yus lawm, los sis yog cov kev muag tej khoom txo nqe zaum kawg, tej zaum kuj yog cov khoom uas yog yuav lawm tej tswv yuav tsis txais/tsis pub thim rov qav lawm, los sis yog tej khoom uas muag tawm kom tag kom tsis txhob muaj muag ntxiv ntawm tej khw ntawd ntxiv li lawm. Qhov no txhais tau tias yog ib tug neeg twg tau yuav ib yam khoom dab tsi uas raug txo nqe pheej yig zog thiab tom qab tuaj nws tsis xav tau lawm, ces nws yuav tsis muaj peev xwm coj mus thim los yog hloov yuav lwm yam khoom ntxiv lawm.
Muaj ib txhia khw yeej tau teev ib co lus zoj khi twg txog ib co khoom twg tias tsis pub thim rov qab lawm. Piv txwv li lub khw David Jones ntawm Melbourne yeej teev tias tsuas pub coj ib co khoom twg (boutique brands) mus thim rau ib co chaw twg xwb.
Piv xam li, tej khoom uas tau yuav ntawm lub khw Chanel ces tsuas muaj peev xwm coj mus thim rau ntawm lub khw ntawm txoj kev Elizabeth Street thiab Bourke Street Mall branches xwb.
Lwm yam lus zoj khi ces tej zaum kuj yuav tsis tau nyiaj thim rov qab/los yog yuav tsis pub coj tej khoom siv hluas taws xob loj, tej roj tog, tej swv mus thim pauv hloov dua yam tshiab tsuas yog tias ntshe yam khoom ntawd ho siv tsis tau hauj lwm los yog ho puas lawm xwb. Los yog tias tej zaum tej khw ntawv ho muaj ib co credit rau tej neeg yuav tej khoom ntawm nws lub khw ntawd los sis yog tej zaum kuj yuav tsub nqe 25 feem pua rau yus them rau tej nqe rov qab coj yam khoom ntawd rov qab coj mus muag dua yog tias yus tsis yuav los yog yus tsis yuav ib co khoom ntau ntau ntawd.
Yeej muaj ntau cov khw muag khoom li Culture Kings los kuj hais kom yus them nqe xa rov qab thiab yog tias cuam tshuam txog cov kev yuav tau siv nkoj thauj yam khoom ntawd xa rov qab.
Ntxiv ntawm tej lus zoj khi uas tau hais dhau los no lawm los tej khw muag khoom yeej tseem kom tej khoom yus thim rov qab ntawd yuav tsum teem yog tej khoom zoo li qub thaum yus yuav tshiab, thiab tej zaum ces lawv yeej hais kom yuav tsum tseem qhwv li qub thaum yus yuav tshiab thiab. Yog li ntawd cov kev paub txog tej cai no thiaj yuav pab kom tej yus nkag siab zoo txog yus cov kev txiav txim siab yuav ib yam khoom twg thiab pab kom yus tsis txhob muaj kev khuam daig rau tej khoom uas yus tsis xav tau ntawd.
Yuav dab tsi thiab yuav qhov twg
Muaj qee yam khoom li tej khaub ncaws uas tsis muaj raws caij, tej khoom siv hluav taws xob, tej rooj tog ces yeej yog tej khoom uas raug txo nqe muag kom ib nyuag pheej yig zog rau lub caij EOFY sales, ces thiaj li yog ib lub zoo sij hawm uas yuav tej khoom raug txo nqe.
Txawm li cas los kuj muaj qee yam khoom li Playstation los yog tej xov tooj tshiab (smartphone) ces kuj tsis raug txo nqe ntau thiab yuav rau lwm lub caij ntawm lub xyoo yuav zoo dua.
Tej neeg yuav khoom siv los tsim nyog yuav tau lug tsis txhob yuav tej khoom uas tej zaum yus tsis siv los yog tej khoom uas yuav lawm yuav tau siv kom tag ua ntej lub caij tsis zoo siv lawm li tej zaub mov noj, tej khoom pleev phlu ib ce kom zoo nkauj, thiab tej vitamins.
Tsis tas li ntawd los tej neeg yuav khoom siv kuj tsim nyog yuav tau xav tias seb ho yuav tej khoom ntawd qhov twg thiab. Tej khw muag khoom hauv online ces yeej muag tej nqe sib nrawg nroos thiab yeej muaj ntau yam rau tej neeg xaiv yuav, tab sis muaj ib txhia neeg yeej nyiam kom mus pom khiab yam khoom ntawd ua ntej yuav yam khoom ntawd ntawm lub khw ntawd thiab.
Ces thiaj li muaj ntau txoj xub ke rau yus yuav khoom - tsis hais yuav kiag ntawm chaw ntawm lub khw ntawd los yog yuav hauv online. Kom tej neeg yuav khoom thiaj muaj txoj xub kev xaiv yuav tau yooj yim tias lawv xav yuav li cas los yog xav yuav ntawm qhov twg thiab muaj peev xwm xaiv yuav yam yus xav yuav.
Piv txwv li ib txhia neeg ces yeej nyiam kov kiag yam khoom ntawd, los yog sim yam khoom ntawd ntawm lub khw kiag seb zoo li cas ces mam li yuav hauv online kom yooj yim, vim ib txhia khw yeej xa hauv nkoj tuaj dawb rau yus thiab tseem txo nqe muag pheej yig me ntsi hauv online thiab.
Tej tswv yim ua kom yus yuav
Yog tej yam tseem ceeb xav kom yus ras txog ib lub tswv yim twg uas tej khw yuav siv coj los dag thiab yaum kom yus yuav tej khoom uas yus tsis xav tau.
Piv txwv li tej zaum kuj yuav muaj ib txhia khw muag khoom tsim cov kev haub tau yam tsis muaj tseeb los yog siv tswv yim tsub nias kom tejneeg ntseeg siab kom yuav vim lawv mloog tias yog tsis yuav ces ntshe yuav tsis tau (Fear of missing out - FOMO).
Peb cov kev teeb txheeb yeej tau tshawb fawb tau tias lub tswv yim FOMO tau muaj feem ua rau tej neeg pheej yuav khoom ntau heev.
Nyob rau lub caij EOFY sales ces tej zaum tej lagluam kuj yuav ua kom tej neeg mloog tau tias yuav tsum maj tsam tej khoom ntawd raug muag tag sai heev lawm los yog tsam ho rov qab yuav nce tej khoom muag ntawd sai.
Piv txwv li, tej khw muag khoom online kuj yuav siv lo lus tias ''Muaj tej khoom no tsawg - low in stock'', los yog ''Twb muag 151 lub hnub no lawm,'' los sis yog ''Muaj 25 tug neeg tseem tab tom saib yam khoom no.''
Yog tias yus ho paub txog tej tswv yim no uas pheej yuav ua kom tej neeg yuav khoom lawm, ces yus muaj peev xwm maj mam xav thiab ceev faj tias seb puas yuav los tsis yuav thiab lug tau cov kev pheej raug yaum kom yus yuav ntau yam khoom uas tej zaum twb tsis tsim nyog yus yuav los yog tsis xav tau ntawd.
Thiab qhov kawg uas yog ib lub tswv yim zoo tshaj plaws ces tej neeg sawv caws yuav tsum tau npaj ua ntej, txheeb kom paub txog tej nqe muag, thiab mus nrhiav yuav ntawm ntau lub khw kom thiaj paub tias lub khw twg muag pheej yig tshaj plaws raws li qhov yus xav tau.
Vim li cas peb thiaj muaj cov kev muag khoom EOFY sales?
Lub hom phiaj chiv keeb tiag ntawm EOFY ces yog coj los xaus 12 lub hlis ntawm cov kev xam tej lagluam cov kev siv thiab khwv nyiaj txiaj ntawm lub xyoo los yog tej neeg ntiag tug uas yuav tau thov se rov qab. Tab sis cov EOFY sales ces yog siv coj los pab kom tej lagluam muag kom tag lawv tej khoom uas muag tsis tau tas ntawm lub xyoo kom muag tag thiab npaj yuav muag cov tshiab.
Yog li ntawd cov kev muag tej khoom uas muag tseem tsis tau tag ntawd yuav pab kom muab tej khoom ntawd coj los muag ntxiv kom tau nyiaj tsam.
Thiab yog tias tej neeg yuav khoom siv paub txog tej no zoo, ces lawv kuj yuav muaj peev xwm txuag tau nyiaj thaib ua ke no los kuj pab kom coj tej nyiaj rov qab mus pab rau tej lagluam.
Park Thaichon ces yog ib tug zekais theem qes uas paub zoo txog sab seem kiab khw lagluam ntawm tsev kawm qib siab University of Southern Queensland.
Mloog tau hnub zwj Teeb (Thursday) 6 pm, hnub zwj Hnub (Sunday) 11 am, los yog koom tau ntxiv ntawm , , thiab . Downloadthiab caum
