Qhov tseem ceeb ntawm cov kev muaj tej nroj tsuag xyoob ntoo nyob ze yus

Father and son bonding in their garden and tending to their vegetable patch together. Credit: SolStock/Getty Images

Get the SBS Audio app

Other ways to listen

Neeg Australia yeej pom txog tej txiaj ntsim ntau yam ntawm tej nroj tsuag xyoob ntoo. Vim yeej tau txais txiaj ntsim ntau yam heev ntawm tej nroj tsuag no rau tej neeg ntiag tug, zejzog thiab tej ib puag ncig. Vim li ntawd thiaj muaj cai ntau yam coj los taw qhia tias peb muaj peev xwm thiab tsis muaj peev xwm ua tau dab tsi ntawm peb tej vaj thiab tej kev.

Ntsiab lus tseem ceeb:

Tej nroj tsuag xyoo ntoo ua rau yus nco txog yus teb chaws thiab lub caij thaum yus tseem yau.
Tej nom tswv zos yeej muaj tej cai Tree Preservation Orders los pov puag tej nroj tsuag xyoob ntoo ntawm tej nroog.
Tej neeg ntiav tsev nyob yuav tsum tau nrog tus neeg tswj thiab saib xyuas vaj tse tham ua ntej yuav ua dab tsi rau ntawm lawv tej qab vag tsib taug.

Yeej tsis muaj ib tug twg yuav tsis lees paub txog txiaj ntsim tau los ntawm cov kev ua vaj zaub thiab cog xyoob ntoo ib puag ncig yus lub tsev li.

Justin Calverley uas yog ib tug kws paub zoo txog tej nroj tsuag uas noj tau thiab tej nroj tsuag xyoob ntoo cog kom zoo nkauj (horticulturalist) hais tias “Yeej muaj ntau cov kev teeb txheeb txog biophilia los yog tib neeg cov kev sib cuag nrog nroj tsuag xyoo ntoo."

“Tab sim vim peb tsim tej vaj tse ntau tuaj ntxiv ntawm tej nroog lawm, ces thiaj ua rau muaj txoj kev sib tu ncua rau tej no lawm, tab sis yeej ua rau peb zoo siab dua thaum muaj tej nroj tsuag xyoob ntoo nyob ib puag ncig peb."

Apartment block in Sydney NSW Australia with hanging gardens and plants on exterior of the building at Sunset with lovely colourful clouds in the sky

Apartment block in Sydney, Australia with hanging gardens and plants on exterior of the building at Sunset. Source: iStockphoto / Elias/Getty Images/iStockphoto

Yeej tau ntau yam txiaj ntsim los ntawm cov kev cog tej nroj tsuag xyoob ntoo li, tau duab ntxoov ntxoo, thiab pab kom txias. Lwm yam ces yog tej nroj tsuag xyoob ntoo no pab lim tej cua kom huv rau ntawm tej chaw uas cog tej khoom no.

Tab sis Mr Calvery hais tias tej neeg tuaj tshiab rau Australia no kuj yuav tau pom ib co nroj tsuag xyoob ntoo uas txawv thiab.

Nws hais tias “Vim tej no yuav ua rau yus nco txog qub teb chaws, thiab yog tej yam yuav pab tau kom yus ho tso siab me ntsi rau txhua tsav yam."

Yeej muaj ntau yam yus tsis swm thiab tsis tau pom dua thiab hnov dua los rau ntawm tej zos uas muaj ib txhia tsis tshua kub siab txog thaum lawv pom, lawv tau kov, tau hnov ntxhiab tsw los yog noj tej nroj tsuag uas yus yeej tau loj hlob nrog. Hais tsi ntsees rau tej ntxhiab thiab tej uas yus tau saj seb qab li cas ntawd yuav ua rau yus rov qab nco txog lub caij thaum yus tseem yau thiab ua rau yus nco txog yus lub teb chaws. Tej nroj tsuag xyoob ntoo thiab tej vaj muaj peev xwm pab tau tej hais no rau yus.
Justin Calverley, horticulturalist

McElhone Place Surry Hills, Sydney Credit: Richard Gurney

Peb yeej paub tias yog yus ua tau ib lub vaj zaub lawm ces yeej yuav cog tau tej qoob loo muaj txiaj ntsim thiab pab kom yus tau ua exercise thiab.

Mr Calverley hais tias “Peb kuj tau vitamin D los ntawm tej sab hnub thiab, tsuas nyob ntawm seb peb ho xav tsim lub vaj ntawd ua dab tsi xwb, thiab peb yeej tau ua exercise me ntsis thaum peb los khawb los nthua tej av ntawm tej vaj."

Tej chaw muaj duab ntxoov ntxoo ntawm tej nroog?

Raws li Marcus Pearl uas yog tus tswv zos Port Phillip ntawm nroog Melbourne hais ces yeej muaj tej chaw tsawg tsawg hauv plawv nroog xwb, yog li ntawd tej xyoob ntoo thiaj yog tej tseem ceeb heev rau tej tsiaj qus thiab peb tej zejzog.

Thiab yeej muaj Australia tej cai li Tree Protection Act thiab tej nom tswv zos tej cai Tree Preservation Orders los pov puag Australia tej nroj tsuag xyoob ntoo.

Melbourne tree canopy_Mark Burban_Getty.jpg

Melbourne tree canopy Credit: Mark Burban / Getty Images

Yog li ntawd, tej neeg nyob hauv nroog thiaj yuav tau thov kev tso cai ntawm nom tswv zos ua ntej yuav ntov ib co ntoo twg, txawm tias tsob ntoo ntawd yuav nyob kiag hauv yus tej vaj.

Pearl uas yog tus tswv zos no hais tias “Tej zos hauv nroog yeej muaj ntau cov kev txwv tsis pub ntov tej ntoo loj ntawm ntau thaj chaw, vim tej nom tswv zos yeej xav cia tej nroj tsuag xyoob ntoo no 'ua duab ntxoov ntxoo rau lawv tej nroog'.''

Tej nom tswv zos los yeej muaj ib cov kev taw qhia ua ntau hom ntawv qhia rau zej tsoom tias yus muaj peev xwm thiab tsis muaj peev xwm ua tau dab tsi rau tej ntoo ntawm yus tej vaj tse.

Darlinghurst, Sydney Credit: Nina Rose / EyeEm / Getty Images

Cov program cog nroj tsuag xyoob ntoo

Pearl uas yog tus tswv zos Port Phillip hais tias vim yeej tsis tshua muaj tej vaj rau sawv daws siv, ces tej neeg zos thiaj yuav tau kho tej chaw lawv nyob kom zoo tuaj.

Thaum tau sab laj nrog tej neeg zejzog lawm, ces tej nom tswv zos thiaj tau tso tseg qee cov kev txwv tsis pub cog nroj tsuag xyoob ntoo

rau ntawm nom tswv tej chaw

los sis yog tsis txwv tej xyoob ntoo uas cog hauv tej hub tej thawv ze ntawm lawv tej vaj tse lawm.

Tej xwm txheej tau tshwm sim rau lub ciaj tseem muaj kab mob COVID mas yog tej yam zoo heev. Yeej muaj neeg coob heev kub sib los cog nrog tsuag xyoob ntoo thiab saib xyuas lawv tej zejzog tej qab vag tsib taug ntawm lawv xub ntiag tsev los yog lawv tej tsev tshooj.
Marcus Pearl, Mayor of the City of Port Phillip in Melbourne

"Ntawm peb lub zos Port Phillip no ces peb yeej txhawb nqa tej neeg ua tej no vim yog ib co kab lis kev cai zoo thiab tau txais txiaj ntsim rau zejzog sawv daws."

Tej neeg ntiav tsev nyob muaj peev xwm ua tau dab tsi xwb?

Tej neeg ntiav tsev nyob los yuav tsum tau tu lawv tej vaj li txiav nyom thiab tu saib xyuas lawv tej vaj.

Iggy Damiani uas yog tus tswj thiab saib xyuas tej vaj tse ntawm Sydney Property hais tias yog ib tug neeg ntiav tsev nyob twg xav kho tej vaj kom zoo ces lawv yeej ua tau thiab.

Txawm li cas los yog tias lawv ho yuav hloov tej yam loj los yog yuav cog xyoob ntoo uas tej zaum yuav roos yuav thaiv ib qho qhov twg ces lawv yuav tsum tau thov kev tso cai ua ntej tso.

“Thaum twg yog ib tug neeg ntiav tsev nyob twg xav hloov ib yam dab tsi rau nws lub vaj, ces qhov zoo tshaj plaws xav kom xub nrog tus neeg tswj thiab saib xyuas lub tsev ntawd tham ua ntej tso, thiab nug seb tus tswv tsev puas pom zoo tso."

"For migrants in Australia, there’s just something about seeing a familiar plant out of context", says horticulturalist Justin Calverley Credit: Adene Sanchez / Getty Images

Cov kev cog xyoob ntoo rau hauv tej hub tej thawv kuj yog tej yam tig tau cev yooj yim rau tej neeg ntiav tsev nyob.

Mr Calverley hais tias ''Yus muaj peev xwm coj tej xyoob ntoo cog hauv hub thiab thawv ntawd nrog yus mus, yus muaj peev xwm tshem thiab txav rau thaj chaw tau duab tshav ntuj los yog thaj chaw tau duab ntxov ntxoo - uas yog tej yam zoo, tab sis tej zaum yuav tau pib qhov me me tuaj ua ntej tso. Cov kev cog tej nroj tsuag xyoob ntoo rau hauv hub yuav tsum xaiv kom tau tej hub tej thawv hom rau tsob ntoo ntawd. Yog li thiaj yuav tau teeb txheeb me ntsi kom nrhiav tau yam hub haum, thiab tej av uas haum rau tsob ntoo ntawd."

Kuj yog tej yam zoo thiab yog tias koj ho cog Australia tej nroj tsuag xyoob ntoo. Los yog cog tej ntoo uas yeej ib txwm muaj ntawm lub teb chaws no uas tsuas muaj rau ib cheeb tsam chaw twg tsi ntsees xwb.

"Qhov zoo mas yog tias koj xav pib ib lub vaj, ces tej nroj tsuag xyoob ntoo uas muaj rau ib qho chaw twg ntwad kuj yuav cog tau ciaj zoo dua, vim yeej swm nrog tej huab thiab tej av ntawm thaj chaw ua koj nyog lawm."